Bizi-baratzea

“Energia berriztagarriak: gatazka edo aterabidea?” zikloa itxiko duen mahai-ingurua Bilbon

Euskal Herriko Unibertsitateko (UPV/EHU) Ekopol ikerketa-taldeak eta EHUgunek mahai-ingurua antolatu dute apirilaren 25ean Bilbon. EAEn energia berriztagarriak bultzatzeko agertzen ari diren proiektuek eta planek "ezinegonak, eztabaida sutsuak eta nolabaiteko gatazkak" sortu dituztela azaldu dute, eta horren aurrean "eztabaida patxadatsu eta arrazoitsuak bideratzeko" nahia dutela: "Trantsizio energetikorako eta eko-sozialerako ezinbestekoak izango diren azpiegiturak non kokatu eta nola egin, ondo planifikatu eta pentsatu beharreko zeregina da, jendearekin harremanetan ez bada, kolokan jarri baitaiteke egitasmo osoa".

ARGIA @argia

2023ko apirilaren 17a

Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Apirilaren 25ean Bilboko Bizkaia Aretoan, arratsaldeko 18:00etan hasita bost hizlari hauek entzuteko aukera egongo da: Julen Rekondo (Ingurumen Kontsultorea – Ingurumen Sari Nazionala), Joserra Becerra (Berdeak-Equo), Mirene Begiristain (UPV/EHU), Iñigo Ansola (EVE) eta Cristina Pizarro (BC3). Ane Zabala kazetaria arituko da moderatzaile.

Antolatzaileek jakinarazi dute sarrera librea izango dela, ez dela aurrez izenik eman behar eta itzulpen zerbitzua egongo dela.

Zikloa itxiko duen mahai-ingurua

Mahai-inguru hau Ekopolek eta EHUgunek elkarrekin antolatu duten "Energia berriztagarriak Euskal Herrian: gatazka edo aterabidea?" zikloko hirugarrena izango da, zikloa itxiko duena. Aurretik Donostian eta Gasteizen egin dituzte mahai inguruak, eta aditu hauek guztiek hartu dute parte guztira: Aitor Aldasoro (EAJ), Alvaro Campos (EHU), Alazne Arruti (Goiener), Gotzone Zestorain (Etxalde), Hodei Arzak (Ekiola), Rebeka Gonzalez de Alaiza (Araba Bizirik), Pablo Lorente (Sustrai Erakuntza), Mikel Otero (EH Bildu), Aritz Otxandiano (Fagor) eta Aitziber Sarobe (Mondragon Unibertsitatea).

Hemen ikusentzun daiteke Gasteizen egin zen mahai-ingurua:

Azken albisteak>>

Bioterra azoka egingo dute asteburuan Irunen, “bizimodu ekologikoagoa eraikitzeko” topagunea

2025-06-02 | ARGIA

Ekainaren 6, 7 eta 8an Ficoba produktu eta zerbitzu ekologikoz beteko dute, “jasangarritasunarekiko konpromisoa” dutela ziurtatu duten 117 enpresak. Azokaz gain, egitarau oparoa prestatu dute,... (+)

2x15: Samaritarraren ukendua eta zaingorri ukendua

2025-05-26 | ARGIA, Bizi Baratzea

Gaurkoan oso ohikoa ez den zerbait ekarri dugu saiora. Entzule batek gugana jo eta samariar baltsamoaren formula ekarri digu. Duela 50 bat urte Donostiako Santa... (+)

Aroztegiako epaiketari jarraipen berezia

2025-05-19 | ARGIA

Aste osoan ARGIAko kazetari bat dedikazio osoz izango da auzitegi barruan gertatzen denaren berri ematen, baita kanpoan Aroztegiko Elkartasun Komiteak auzipetuen absoluzioa eskatzeko antolatutako egitarau... (+)

3x15: Ezkurra, jaki antikapitalista nola bildu eta prestatu | Asier Bastarrika

2025-05-14 | Bizi Baratzea, ARGIA

Gaur egun basoa gutxi baliatzen dugu jakiak eskuratzeko, perretxiko eta gaztaina batzuk biltzeko asko jota. Baina, basoak jaten ere eman izan digu. Ezkurra da honen... (+)

2x14: Landareen burmuinaz eta elorri zuriaz

2025-05-12 | Bizi Baratzea, ARGIA

Landareen inteligentziari buruzko eztabaidak hor jarraitzen du, eta podcast honetan gustatzen zaigun gaia denez, berriro ere ekarri egin dugu. Memoria, kontzientzia eta komunikazioa gauzatzeko gaitasuna... (+)