Ganderailu, sasoinaren berrigailu.

Bertako zuhaitz eta zuhaixken mintegi berria Soraluzen

Landare eta zuhaixkak ekoizteko afizioa aspalditik izan du Jon Oñederra Rascon soraluzearrak (Gipuzkoa), baina iaz sortu zuen Oitturri mintegia eta modu profesionalean ekoizten hasi zen, Arrate Espilla Iriondo bikotekidearekin batera.

Garazi Zabaleta
Garazi Zabaleta

2016tik ARGIAn astero esperientzia baten berri ematen du.


2026ko azaroaren 16a
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Soraluzeko Baso Biziak taldeko bazkide zen lehenagotik Oñederra, bazuen bertako basoaren alde bere alea jartzeko gogoa, eta Mungiako (Bizkaia) Iñaki Larrinaga ekoizleak animatu zituen saltoa ematera. "Baso Biziak egitasmoak jardunaldiak antolatu zituen 2022an, hor ezagutu genuen Mungiako bere mintegia, eta hor hasi ginen proiektua abiatzeko ideiarekin bueltaka", kontatu du Rasconek. Aurretik, 2015ean, lagun talde batekin modu kolektiboan bertako zuhaitzak bultzatzeko mintegi txikia jarri zuten martxan, eta hori ere izan zen gaurko proiektuaren lehen hazia.

Baso bizirako, bertako espezieak

2024an Baserritar Mixto Profesionalen egitasmora aurkeztu zuten proiektua Oitturriko kideek, eta onartu egin zioten. "2025ean makineria sartu eta pistak hobetzen, ingurua prestatzen, itxiturak eta ureztatze sistemak jartzen eta biltegia eraikitzen aritu gara, besteak beste". Bere beste laneko jardunaldia murriztuta, jardunaldi erdian ari da mintegiko lanean: "Prestatu dugun lur horretan eginen dugu lehen landaketa handia, orain arte gehiago izan da pixkanaka probatzea, zerk funtzionatzen duen eta zerk ez ikusteko".

Soraluzeko Txurruka auzoan dago mintegia, eta bertako espezieak soilik ekoitziko dituzte Oitturrin: "Horretan sinetsi dugu beti", berretsi du. Haritzak, gereziak, lizarrak, astigarrak, urkiak, gaztainondoak, erramuak, sagarminak, arteak eta makatzak ekoitziko dituzte, besteak beste. "Alde batetik zura ateratzeko espezieak ditugu, haritzak eta beste, baina baditugu beste batzuk biodibertsitatearen babesari begira ekoizten ditugunak, lur mugimenduak ekiditen dituztenak edo animaliei jaten ematen dietenak, adibidez". Zigilu ekologikorik izan ez arren, mintegian lan egiteko duten modua guztiz ekologikoa dela nabarmendu du soraluzearrak.

Hazitik zuhaitzera

Hazitik ateratzen dute dena Oitturrin, eta horretarako, lehenbizi, basoan ibiltzen dira haziak biltzen. "Probak egiten aritu gara inguruan bildutako haziekin eta inguruko jendeari ere galdetu diogu zuhaitz onak identifikatzen laguntzeko". Behin haziak bilduta, hozkailuetan gordetzen dituzte neguan erein ahal izateko. "Haziak ereiten ditugunetik zuhaixka lortu arte urte pare bat behintzat pasatu behar dira, oraintxe hasi gara gu lehenengoak saltzen". Izan ere, landaketa handia aurten eginen badute ere, lehenagotik probak egiteko ekoitzi dituzten aleak merkaturatzen hasi dira.

Zuzeneko salmenta lehenetsi dute Oitturriko kideek. "Zuhaitz eta zuhaixkak mintegian bertan saltzea da gure asmoa, baina aurrerago beste banaketa punturen bat ere jarriko dugu, mintegia urruti xamar dago eta". Proiektu oso berria da oraindik balorazioak egiteko, baina katalogoa atera berritan izan duten erantzunagatik, ekimenak interesa behintzat piztu duela sumatu dute kideek.

Bertako produktuen dendatxoa, herritarrei zerbitzu emateko
2026-11-09 | Garazi Zabaleta
Tolosaldeko herri txikia da Baliarrain (Gipuzkoa), 140 biztanle inguru dituena. Duela bost bat urte, ekonomatoa martxan jartzeko pausoak eman zituzten herrian, udalak bultzatuta. "Herritarrei bertako... (+)
Bidarte eta Miarritzeko sukalde zentralak hornitzeko baratze publikoa
2026-11-02 | Garazi Zabaleta
Eskolarako eta adinekoen etxerako otorduak prestatzen dituen Bidarteko sukalde zentralak 150.000 plater prestatzen ditu urtero, eta Miarritzekoak, berriz, 200.000. "Orotara 350.000 otordu dira, eta frantses... (+)
Tokiko eta kalitatezko produktuen epizeria parte-hartzailea Baigorrin
2026-10-26 | Garazi Zabaleta
Duela urte eta erdi pasatxo hasi zen Baigorriko (Nafarroa Beherea) pertsona talde bat bertako produktuen denda fisiko bat martxan jartzeko ideia lantzen. Herriko AMAPean –laborari... (+)
Zuberoako artzainak 20 urtez kolektiboan lanean
2026-10-19 | Garazi Zabaleta
1999an Zuberoako artzain talde batek abiatutako hausnarketa prozesutik sortu zen Azkorria kooperatiba. "Garaian, industria bati saltzen zioten ardi esnea inguru honetako artzain guztiek, eta Ossau-Irati... (+)
Zuberoako artzainen Azkorria gasnategi kolektiboak urteurren festa egingo du urriaren 17an
2026-10-14 | Garazi Zabaleta
Aurten hogei urte betetzen ditu Azkorria kooperatibak. Hori ospatzeko, urriaren 17an Muskildin festa egingo dute. Hitzordua 09:00etan da, Azkorria dendaren atarian: ekoizleen merkatua egingo dute... (+)
gora