Bizi-baratzea

ARGIA @argia

2024ko martxoaren 25a

Baserriberri proiektuaren aurkezpenean, zaharberrituko duten Tomasenea baserria bisitatu dute mugaz bi aldeetako ordezkariek. Argazkia: Haizpea Abrisketa / kazeta.eus

Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Urdazubin aurkeztu dute Baserriberri programa, martxoaren 22an, mugaz bi aldeetako erakundeetako ordezkariek. Ekimen horrek baserriak eta zurezko beste eraikin batzuk birgaitzeko ofizioa irakastea du ardatz. 1.778.447 euroko aurrekontua du, eta horietatik 1.155.989 euro Eskualde Garapeneko Europako Funtsetik (EGEF) datoz.

Egurrezko lan-tekniketan trebatzea da proiektuaren helburua, baserri zaharrak eta zurezko beste egitura batzuk berritu ahal izateko. Langabeei zuzenduta dago eskaintza, lan munduan sartzeko baliagarri izan dakien eta zurezko eraikuntzaren sektorean belaunaldien arteko erreleboa sustatzeko.

Formazioak saio teorikoak eta praktikoak izango ditu. Irailetik aurrera hasiko dituzte saioak 12 ikaslek (launa Nafarroatik, EAEtik eta Iparraldetik) eta 2026ko ekainean bukatuko da.

Ezkerretik eskuinera, Isabel Elizalde (Peio Martikorena Fundazioko zuzendaria), Jean René Iturbide (Compagnons du Tour de France Federazioko zuzendaria), Mathieu Bergè (Akitania eskualdeko kontseilaria), Ana Ollo (Nafarroako Gobernuko lehendakariordea), Marie Lasserre (Mission Locale Pays Basque elkarteko presidentea), Fermín Martikorena (Peio Martikorena Fundazioko presidentea) eta Jorge Arevalo (Eusko Jaurlaritzako Lanbide Heziketako sailburuordea). Argazkia: Nafarroako Gobernua.

Parte hartzen duten erakundeak

Peio Martikorena Fundazioa, Nafarroako Gobernua (Lanbide Heziketako, Digitalizazioko eta Hezkuntza Zerbitzuetako Zuzendaritza Nagusia), Eusko Jaurlaritza (Lanbide Heziketako Sailburuordetza), Oarsoaldea Garapen Agentzia, Pirinio Atlantikoetako Lagunen Federazioa eta Pirinio Atlantikoetako Euskal Herriko Misioa.

Azken albisteak>>

Lurra eta kultura ardatz dituen festa egingo dute Amillubin maiatzaren 16an

2026-03-31 | ARGIA

Hirugarren Udaberri Festa egingo dute Amillubi proiektuan, Zestoako (Gipuzkoa) Amilibia baserrian, "Lurra oinarri, utopien bidean" lemapean. Goizetik iluntzera iraungo duen egitaraua aurkeztu dute, hausnarketa, elikadura... (+)

4x09: Saguzarren misterioak | Naiara Corcuera (Naturtzaindia)

2026-03-23 | Bizi Baratzea, ARGIA

Ba al duzu saguzarrik inguruan? Atera berri dira lozorrotik eta kumeak jaiotzear dira... Izurriteak saihesteko lagun handiak dira, saguzar bakoitzak milaka eltxo jaten baititu gau... (+)

4x07: GARO EDO IRATZEAREN KULTURA... Etorkizunean ere erabilgarri | Iñaki Sanz Azkue

2026-02-11 | ARGIA, Bizi Baratzea

Iratzea edo garoa ongarri ezinbestekoa izan da baserri bizimoduan. Ez zegoen nahi beste, horrek gatazkak ekarri zituen eta udalek esku hartu behar izan zuten. Horregatik,... (+)

Putzua testu-liburu

2026-02-09 | ARGIA, Manex Moreno Uharte, Eneritz Arzallus Alustiza, Mikel Garcia Idiakez

Zaldibiako Lardizabal eskolan, ikastetxeko hezkuntza curriculumean dute txertatuta urmaelaren erabilera didaktikoa. Baina zer egiten dute eta zer ikasten duteikasleek putzuan? Bertatik bertara ezagutzeko aukera izan dugu. Gidoia: Mikel Garcia... (+)

Zaldibarko alkate ohia inputatu dute, zabortegia zabaltzeko lanen berri ez ematea egotzita

2026-01-29 | ARGIA

Hirigintzari loturiko ustezko prebarikazio delituengatik inputatu dute 2011 eta 2018 artean EH Bildu ordezkatuta Zaldibarko alkate izan zen Arantza Baigorri, bi udal arkitekto eta idazkariarekin... (+)

Baserrien zurezko egiturak berritzen ikasteko programa martxan jarri dute mugaz bi aldeetako erakundeek

Parte hartzen duten erakundeak

Azken albisteak>>