Liburu hau ekoeditatua izan da, tokiko inprentan ekoitzia eta bertan biltegiratua.

Liburu hau tokiko inprentan ekoiztua da (Lasarte-Oria, Gipuzkoa) ARGIAren enpresa taldeko eta langileen jabetzakoa den Antza inprentan, bertatik bertara. Inprenta hau Europar Batasuneko ekokudeaketa eta ekoauditoria prozesuan dago. Liburuen biltegia ere bertan dagoenez, ekoizpen prozesuko bi kate-begi hauetan ez dugu aparteko garraiobiderik, ibilbidea optimizatuta dago, ondorioz, isuri kutsakorrak nabarmen murrizten dira.

Paper birziklatua eta FSC (basoen kudeaketa jasangarria) ziurtagiria daraman papera erabiltzeaz gain, ziurtatutako tinta begetala eta metal astunik gabekoa baliatzen dugu. Kasu honetan, paper mota hauek erabili ditugu:

Azalean Magnosatin FSC (150g) eta barruan Steinbeis Select birziklatua FSC (130g).

Jatorri fosileko materialak ez erabiltzen saiatzen garenez, liburu hau ez dago plastifikatuta, gordetzeko plastikorik gabeko bilgarria darama, baita kartoi birziklatua ere.

Argitaraldi neurtua bermatzen dugu, liburuak alferrik galdu eta hondakin berririk sortu gabe. Argitaraldiaren kopurua erabakitzeko garaian merkatu azterketa sakona egiten dugu.

ARGIA Kataluniako Institut de la Ecoedició erakundearen bazkide da. Ingurumenaren eta ekosistema jasangarri baten aldeko jarrera aktiboa hartzen laguntzen digu.

Azkenik esan, ARGIA ekonomia sozial eraldatzaileko erakundea dela. Olatukoop sareko bazkide da eta honen helburua da Euskal Herriko sozioekonomia eta lurraldeak eraldatzea, bizitza bizigarriak posible egiteko.

Aztarna ekologikoa

Taula honek laburbiltzen du liburu honek ingurumenean duen eragina, bere sorkuntzatik zure eskuetara iritsi arte.