Dani Blanco
[Jakoba Errekondo]
Afrika Hegoaldetik ekarritako landarea da. Asparagus, Grezian genero hau izendatzeko erabiltzen zen izen zaharretik dator, "aspharagos" edo "asparagos" eta hori pertsierako "asparag" (kimua) hitzetik. Setaceus hostoen ukitu fin eta gozoagatik esaten zaio. Horixe bera da luma esparragera izenaren jatorria, luma baten ukitua duelako. Garai batean Asparagus plumosus bezala eree sailkatzen zen, arrazoi beragatik emandako izena.
Esparrago-landareak, hazkunde sasoi bakoitzean aihen luzeak garatzen ditu. Heltzen denean puja hauek birakariak dira eta 3 mraino iritsi daitezke. Adarkadura launduak ditu; iratze edo garo antzekoak. Zurda formako filokladoak (6 mm) izan ohi ditu, 8 eta 20 bitarteko multzoka. Lore zuri, txiki, 6 tepaloduna du, eta fruitu biribil gorri ilun eta beltza.
Asparagus setaceus "Compactus" Ez ditu zurtoin birakari igokariak.
Asparagus setaceus "Nanus" Arestikoa baino txikiagoa da.
Zorria: hostopean eta kimu berrietan, izerdia zurrupatuz bizi ohi den intsektua da. Banaka-banaka kendu.
Armiarma gorria: izerdia zurrupatuz, hostoak horiztatu, zimeldu eta eroarrarazi egiten ditu. Hostoak maiz ihinztatzea da prebentziorik onena. Erasoa gogorra bada, intsektizidaz tratatu.
Negu partean kontuz tenperatura hotzekin.
Eguzki-galdatan ez eduki; ezta ilunpe iraunkorrean ere.
3-4 urtetik behin zatitu eta lur berria jarri.
Lur aberatsa eta ureztaketarekin nahasita ongarria emanez gero, mardul eta distiratsu jarriko da.
Argitasun handia behar du. Eguzki-galdatan ez eduki, ordea.
15-20℃ artean
Negu partean 10ºC-tik gora. Udan tenperatura altu (25ºC-tik gora) eta iraunkorra kalterako du.
Hazkunde sasoian, neguan ez beste, lurra heze mantendu. Noizbehinka loreontzia uretan sartu. Neguan gutxi ureztatu.
Apirila eta iraila bitartean, bi astetik behin ureztaketa urari ongarri likidoa gehitu.
Udaberrian hazia erein, edo noiznahi landarea zatitu.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
