Berdeago Azoka egingo dute martxoaren 22tik 24ra, Durangoko Landako Gunean. Energia-eraginkortasunaz eta kontsumo arduratsuaz kontzientziatzeko helburua du Jasangarritasunaren Euskal Azokak, ingurumena babesteko irtenbideak tarteko.
Berdeago Energy izeneko guneak ingurumen-berrikuntza, eraikuntza eta birgaitze jasangarria, energia berriztagarriak, ekonomia zirkularra, mugikortasun jasangarria eta eraginkortasun energetikoa ditu ardatz.
Berdeago Nature izenekoan berriz, kontsumo arduratsuari lotutako gaiak izango dira oinarria: elikadura ekologikoa, biologikoa eta zero kilometrokoa, moda iraunkorra, kosmetika naturalak, produktu kontziente eta artisauak, turismo jasangarria edo finantza etikoak eta gizarte-ekintza.
80 erakusketari baino gehiago izango dira eta Zirkulo Berdea Gunean, bisitariek aukera izango dute parte hartzen duten enpresen mahaietara gerturatu eta esperimentatzeko, elkar ezagutzeko eta ikasteko.
Sare Berde Eguna
Antolatzaileek nabarmendu dutenez, azken egunean, igandean, Sare Berde Eguna egingo dute: ekintza ugari antolatu dituzte, jasangarritasunari lotuak.
.jpg)
.jpg)
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
