Bi urtean 5.000 tona lixibiatu baino gehiago prozesatu ditu Ecofert Sansoain enpresak
Iruñerriko irrati euskaldun eta independentea. Iruñerriko Euskaldunon Agerkari Digitala.
Argazkia: Ecofert
Nafarroako Gobernuak Artaxoako hondakinen trataerarako zentroaren kautelazko itxiera agindu du, bi urtean Zubietako (Gipuzkoa) erraustegitik 5.000 tona isurki lixibiatu jaso eta prozesatzeagatik. Isurkiok potentzialki toxikoak dira eta zentroak ez du horiek prozesatzeko baimenik.
Jose Mari Aierdi kontseilariak atzo eman zuen itxieraren berri, Nafarroako Parlamentuan. Azaldu zuenez, Ecofert Sansoain enpresak 2.100 tona lixibiatu jaso zituen 2022an, eta 3.400 2023an.
Modu horretan enpresak ingurumen baimen integratua urratu du. Hori dela kausa ezarri du kautelazko itxiera Ingurumen Departamentuak, eta halaber zigor txostena zabaldu du: 40.000 euroko isuna ezarri dio enpresari. Artaxoako zentroak beste 110.000 euroko isunak jaso ditu azken urtean, bestelako urraketak direla kausa.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
cc by-sa
Sareko kide
Ekoedizioaren Institutuko bazkide
