Asteroko buletina
A zer porru haziak!

Bizi baratzearen plaza

Gure Platera, Gure Aukera
GURE PLATERA GURE AUKERA ekimena hezkuntza-komunitate, lehen sektore eta gizartetik sortu den eskaera bati erantzuteko jaio da: egungo eskola-jantokien eredua aldatzeko nahia. Ekimen hau osatzen dugun taldeek eskola-jantoki OSASUNTSU, BERTAKO ETA JUSTUA aldarrikatzen dugu. Horretarako, aldaketak proposatzen ditugu, eskola-jantokia espazio integral eta integratzailea izan dadin eta ez bakarrik sukaldaritza “zerbitzu” bat.

Sukaldeak eraikiko dira udan Durangaldeako hiru ikastetxe publikoetan

2021-01-14 13:25
Uda honetan egingo dira Durangaldeako hiru ikastetxe publikoetako sukaldeak, Atxondo eta Zaldibarko eskoletakoak, eta Iurretako Juan de Orobiogoitia institutukoak hain zuzen ere. Durangoko Zabalarra eskolakoa 2022ko udan eraikiko da.

Momentu honetan fase desberdinetan daude lau ikastetxeak: proiektua idazten, kontratatzen edo gainbegiratzen. Ohikoa den lez, oporraldia aprobetxatuko da obrak egiteko.

Pasa den urrian azaldu genizuen bezala, sukaldearen lehen proiektua ezagutzen dute ere Beasaingo Murumendi eskolan. Bestalde, Lantziego ikastolan Haur Hezkuntzako eraikin berriak sukaldea egiteko espazio izango du. Azkenik, Hezkuntza Sailak Bilboko Karmelo ikastolako sukaldearen obraren inguruan hartutako erabakia ezagutzea baino ez da geratzen.

Zazpi ikastetxe publiko hauek dira Eusko Jaurlaritzaren ?2019-2023 Azpiegituren Plana? dokumentuan jasota zeuden obrak. Poliki-poliki eta hainbat urtetako lanaren ondorioz, sukaldeak errekuperatzen ari gara ikastetxe publikoetan. Orain, beste ikastetxeei bidea irekitzea geratzen da.
atzera
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora