Bizi-baratzea

Asteroko buletina

Maiatzean elorria lore, artaon lurrean.

Jakoba Errekondoren kontsultategia

Patata gordetzeko
2023-08-22 09:04 | Garbiñe

Egun on, Jakoba Noiz komeni da biltzea patata, luzerako gordetzeko? Mila esker

Jakoba Errekondo-ren erantzuna
2023-08-22 10:20

Jasotzeko baldin bada, patata landarearen zarbak ihartuta egon behar du. Onena ilbeheran ateratzea da, eta sustrai egunean bada hobe. Orain gauden ilbehera honetan abuztuaren 22 eta 29 dira onenak, baina 29a arteko ilbehera guztia ona da. Aukeratu egun bero eta lehor bat, patata atera eta lur gainean bertan utzi ondo lehortzen. Lehortutakoan azalean itsatsita daukan lur apurra ondo kendu eta toki ilun, fresko eta ondo haizeberritzen den batean jarri.