Intxaurrondoak fruiturik ez
2021-03-01 11:46 | Irati
30 urte inguruko intxaurrondoek ez dute fruiturik ematen. Zergatik izan daiteke?
Horiek moztu eta berriak landatzea pentsatzen ari naiz.Ideia ona da?
Eskerrikasko Jakoba
Intxaurrondoak urte asko behar du fruta ematen hasteko. Are gehiago hazitik sortua bada, txertatu gabekoa, alegia.
Lur onean eta toki gozoan bizi bada oraindik ere gehiago kostako zaio fruta ematen hastea, gehiago hazi eta arbola izugarria egingo da, baina fruta emateko behar duen heldutasunera iristea kosta egingo zaio.
Arazo honi aurre egiteko txertatzen dira fruta arbolak, eta baita inausketak egiten dira, arbolari bizimodua neurri batean okertu eta fruta ematera makur dadin.
Kendu eta berriak jartzearena zeuk ikusi behar duzu. Agian proba egin dezakezu gutxi batzuk moztu eta ipurditik ematen duten altsuma berria hurrengo urtean txertatu, gustuko duzun barietateren batekin.
Zeuk erantzun
Ondorengo eremuak bete. "*" dutenak derrigorrez bete behar dira.
cc by-sa
Sareko kide
Ekoedizioaren Institutuko bazkide
