Bizi-baratzea

Asteroko buletina

Izotzileko elurra, burnia; otsailekoa, altzairua; martxokoa, harria; apirilekoa, lurra; eta maiatzekoa, gazura.

Jakoba Errekondoren kontsultategia

Elorri zuria
2019-06-20 23:04 | Joxema Leitza

Kaixo Jakoba,
Baratzean dugun elorriak ez du lorerik ematen (5 urte dira aldatu genuela). Normala da? Lorerik ematen ez duen elorririk badago? Hala bada, txertua emateko asmoa dut.
Eskerrik asko!

1 erantzun | Zeuk erantzun

Jakoba Errekondo-ren erantzuna
2019-06-23 11:02

Bost urteko elorria oraindik ume ttiki bat da. Ehundaka urte bizitzen denez, orain hazi eta hazi egin behar du. Baratze batean egonik, nahikoa janari aurkituko du eta handitzen ariko da. Loratzeko itxaron egin beharko duzu, eta egin dezakezun gauza bakarra ez inaustea da. Inausten baduzu loraldia atzeratu besterik ez duzu egingo.

Lasai hartu.