Egun on Jakoba, gaurko proposamenean hesi natural bat egiteaz hitz egin duzu. Nik hesi natural bat jarri nahi dut ortuan eta ez dakit horretarako zein landare gomendatzen dozun. Nire asmoa zipresak jartzea da. Helburua baratzea ezkutatzea da. jende asko ibiltzen da inguruan eta. Eskerrik asko!!

Zipres edo altzifreetan nire ustez onena Lawson altzifrea da (Chamaecyparis lawsoniana). Indartsua da eta haizeari aurre egingo dio. Handia egiten da eta kontuz, behar duzun garaiera hartzen duenean moztu egin beharko duzu, gainontzean handiegia izango da eta inguru guztiko lurrak jango ditu. Jartzeko modukoa da baita Portugal erramua, Prunus lusitanica. Honek ere hostaia iraunkorra du eta gogorra da. Ez da altzifrea bezain indartsua eta gehiago kostatzen zaio haztea, baina baita ere inausi egin behar da.