Kaixo, Aurten etxeondoko lorategian daukagun gereziondoa ihartzen edo lehortzen ari zaigu. Udaberrian sartu ginenean lorea eta hostoa hasi zitzaion baño adar puntak nahiko triste egon dira. Itxura dauke puntako adarrak lehortzen ari direla. Gaitzen bat izan daiteke? Egoera honi buelta emateko zerbait egin dezakegu? Eskerrik asko aldez aurretik. Andoni

Bi arrazoi nagusi ikusten ditut nik. Batetik zauriak: inausketakoak, enborraren ipurdian duen lanpara eta antzeko zauri “ustez txikiak” eta toki hezea izatea. Horien bien ondorioz onddoek sortutako gaitzak sartzen dira eta horien emaitza da gereziondo horren panorama. Gomendioak: ez inausi, ezta adarrik txikiena ere, eta enborrean belarra mozterakoan eta abarretan ez ukitu azala; gogoan izan edozein zauri txiki nahikoa dela gaitzak sartzeko. Bestetik lagunduko lioke hezetasuna arintzeak: lurra harrotu (belarra aretuz, karea emanez 150 gr/m2 eta abar) ahal bada itzala kendu lurrari, eguzkiak gehiago lehortzeko, drainatze kanalak sortu, lurrazaleko urak ahalik eta azkarren alde egin dezan eta abar. Arbolari ere lagundu onddoen aurkako tratamenduekin: azeribuztan eta asun urak eta salda bordelesa, zortzi egunero suspertzen den arte.