Bizi-baratzea

Asteroko buletina

Lantxerra (lanbroa) martxoan noraino, apirilean elurra haraino.

Jakoba Errekondoren kontsultategia

Urkia
2024-12-18 06:00 | Mikel

Noiz moztu behar da urkia oholak egin eta tallatzeko?

Jakoba Errekondo-ren erantzuna
2024-12-18 10:51

Iraupenari begira ahalik eta izerdi gutxienarekin moztea litzateke egokiena. Horretarako hiru baldintza betetzea da egokiena. Lehenik, negu-neguan moztu, izerdi gutxiena dabilkien garaian. Bestetik ilbehera da onena. Eta hirugarrena, ilbeherako sustrai egunak dira aproposenak. Urtarrilean edo otsailean moztu. Urtarrilean ilbehera 12tik 26 eguerdira arte izango da eta sustrai egunak 19, 20, 21 eta 22 eguerdira arte. Otsailean berriz, ilbehera 8eguerditik 22ra artekoa izango da eta sustrai egunak 15 arratsaldea, 16, 17 eta 18.