Bizi-baratzea

Jakoba Errekondoren kontsultategia

Ahuakateondoa txertatzea
2024-11-07 17:20 | Josetxo

Noiz txertatu egin behar da aguakatea eta zein dan txertaketaren era egokiena?

Jakoba Errekondo-ren erantzuna
2024-11-07 18:46

Bi txerto mota erabiltzen dira, batez ere, ahuakatea txertatzeko: zotzekoa eta begikoa. Zotzekoa ekaina aldera egiten da, sasoi berriko hazkunde nagusia apaldu denean. Hemen erabiltzen den zotzeko txerto arruntaren aldean errazagoa da: ez da mentu-oina zartatu behar, azalaren alderago irekitzen da goitik behera mentuaren zabalera duen ebakia eta hor sartzen da mentua behean txistuan egindako ebaki bakarra enborraren aldera jarriz. Begiko txertoa uztaila eta iraila artean egiten da. Txerto hu hemen egiten den ohikoa da: mentu-oinari gurutze formako bi ebaki eginda azala altxa eta azpian begi bat sartzen da; gero bil-bil egin eta ondo ixten da. Emaitza onenak ematen dituen txertoa zotzekoa da.

Zeuk erantzun

Ondorengo eremuak bete. "*" dutenak derrigorrez bete behar dira.

Izena *

E-posta *

Erantzuna *

Onartzen dut pribatutasun politikan jasotakoa