Cancer Colère kolektiboko eri eta laborariek Max Brisson senatariaren boto-ematea salatu zuten. Debekatutako bi pestizida berreskuratu dituzte Frantzian.

“Nahi dugu, Max Brisson eta Denise Saint-Pée senatariek, ahalgea eta kulpabilitea senditu dezaten”. Uztailaren 21ean laborantza larrialdiaren legea onartu zuen frantziar asanbladak, eta gauean bertan senatuak berretsi. Departamenduko Max Brisson ta Denise Saint-Pée bi senatariek 2.Duplomb legearen alde bozkatu zuten.

Legeak duela zenbait urte debekatu zituzten bi pestizida berriz baimentzen ditu. Bozka hori agro-industrien interesekoa dela salatu dute, eta herritarrak eta laborariak lanjerean jartzearen hautua egiten dutela, minbizia indartzen duen laborantza lagunduz. Gutxietsia den laborantza biologikoaren aldeko politikak behar direla azpimarratu dute. Bertan ziren laborari, edota eri direnen lekukotasunak entzun ahal izan ditugu.