Aurrekaririk gabeko krisi eko-sozial batean murgilduta egon arren, administrazioak kosta ahala kosta AHTaren obrarekin jarraitzen du, lurraldea suntsituz eta jendarte-beharretarako ezinbestekoak diren baliabideak xahutuz. Hasi dira Castejongo zubiaren eta Tafalla Campanas azpizatiaren lanak, Next Generation funtsekin erreskatatuak, gehiago zorpetuko gaituztenak eta murrizketa sozial berriak ekarriko dituztenak. Beste hiru zati gehiago datozen hilabeteetan amaituko dira. Itxura guztien arabera, AHTaren obretan gauzatutako gertakarien politika nagusitzen ari da eraikuntzaren lobbyari mesede egiten jarraitzeko, nahiz eta AHTaren Nafarroako Korridoreak gaur egungo finantzaketaren erritmoan 100 urte baino gehiago beharko lituzkeen.
Bestalde, Etxabakoizko AHTaren geltokiko UGPSa, urte askotako blokeoaren ondoren, duela gutxi jendaurrean jarri da, 12.000 etxebizitza berriz osatutako pilotakada espekulatiboa ahalbidetu du, higiezinen lobby handiaren gozagarri. Automobilgintzaren lobby-a, lur hauetan Volkswagen erraldoiak ordezkatzen duena, geltoki eta trazatu berriaz lehen onuraduna izan da; izan ere, Nafarroa osoko zergek linea konbentzionalarekin duen interkonexioaren hobekuntza ordainduko diote, eta hortik bere kotxe-konboiak ateratzen jarraituko du, AHTak salgaiak eramango dituela dioen gezurra desmuntatuz.
Gehiengoa diren AHTaren aldeko alderdi politikoek paparra ateratzen dute AHTaren aldekoena nor den erakusteko, eta azpiegitura horrekin kritiko diren parlamentuko indar politikoek epelkeria handia erakusten dute
Neurri horiek guztiak ingeniaritza- eta enpresa-lobby handiak hauspotzen ditu, klase politikoari lanak bizkortzeko eskatzen baitio, Nafarroa hirugarren mailako komunitatea izatera baztertua gera ez dadin. Horren aurrean, gehiengoa diren AHTaren aldeko alderdi politikoek paparra ateratzen dute AHTaren aldekoena nor den erakusteko, eta azpiegitura horrekin kritiko diren parlamentuko indar politikoek epelkeria handia erakusten dute, urtez urte azpiegitura hori ahalbidetzen duten estatuko aurrekontu orokorrak onartu behar izatearen kontraesanak harrapatuta.
Erasoaldi orokor horren aurrean, AHTaren eta gainerako azpiegitura handien aurka mobilizatzeko deia egiten dugu, horiek baitira kapitalismoaren eta haren presio-lobby-en ezinbesteko euskarriak. Lurraren defentsa eta eredu politiko eta sozialaren 180 graduko aldaketa inoiz baino beharrezkoagoak dira, bizitza horretan doakigula jakitun izanik. Ez dago beste alternatibarik.
Hori guztia dela eta, larunbat honetan Iruñean ospatuko den AHTaren Aurkako Egunean parte hartzera gonbidatzen zaitugu.
Jesus Maria Etxarri Sotes, Patxi Zubiria Aldaz eta Enea Andueza Otsoa, AHT Gelditu! Nafarroako kideak
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
