Izarrak eta konstelazioak ezagutzeko aukera izango da Beasainen datorren irailaren 6an, Arrano elkarteko kultura sailak Murumendira antolatutako irteerarekin. Aranzadi elkarteko adituen laguntza izango da behaketa astronomikoan.
Mandubiko Bentan elkartuko dira partaideak 18:00etan, eta Murumendira igota, zeruko izarrak eta konstelazioak behatuko dituzte, Aranzadiko adituek gidatuta. Gaua bertan igaro, eta igande goizean Usurbe mendiko jaietan egingo dute geldialdia.
Izena emateko epea irekita dago, eta parte hartu nahi duenak mezu bat bidali beharko du arranoingurumena@hotmail.com helbidera. Irteerarako beharrezko materiala norberak eraman beharko du.
cc by-sa
Sareko kide
Ekoedizioaren Institutuko bazkide
