EGUN BATEZ ERLEZAIN, gure Bedaioko erlauntza bisitatuta: familia guztiarentzako ekintza aproposa!
2 orduko bisita gure erlategira, Balerdipeko eztia sortzen duten protagonistak eta erlezainon lana gertuagotik ezagutu ahal izateko. Amaieran gure produktuen dastaketa egingo dugu. Ziztadarik ez jasotzeko jantzia, gure kontu! Goiz ederra pasako dugu naturaz inguratuta, Balerdipean.
Oraingoz bisitak larunbat goizetan egingo ditugu Bedaion, goizeko 10:00etatik 12:00etara. Gutxienez 6ko taldeak izango dira; gehienez 16 pertsonakoak. Erosi zure sarrera lehenbailehen!
Irailak 15: Tertanga eta Ubiroz errotaraino Antiguatik. Baso-, zuhaixka-, eta ibai-inguruneetan ohikoak diren hegaztiak ikusteko aukera izango dugu, larre-eremuen ondotik igaroko baita, heskiak eta zuhaiztiak baititu. Ubirozeko errotara iritsiko gara ibaertzetako espezieak ikusteko, eta artadian, Gorobel mendilerroaren oinetan amaituko dugu hegazti harkaiztarrak ikusteko.
Topagunea: Antiguako Santutegia.
Ibilbide guztiak zailtasun teknikorik gabeko eta aldapa gutxikoak dira, 9:00etatik 13:00etara izango dira eta prezioa 5€-koa da helduentzako eta 3€-koa haurrentzako (10 eta 16 urte bitartean).
Nahitaezkoa da aldez aurretik izena ematea eta inskripzioa egin eta hurrengo 48 orduetan ordainketa egitea. Inskripzioak webgune honen bidez egingo dira: https://www.ordunaturismo.com/ms
Informazio gehiago: turismo@urduna.com / 945384384
cc by-sa
Sareko kide
Ekoedizioaren Institutuko bazkide
