Jatea behar bat da, baina buru argiz jatea arte bat da

Bizi baratzearen plaza

Goiener berriztagarriak
Energia berriztagarriak sortzeko eta kontsumitzeko asmoarekin eratutako irabazi asmorik gabeko kooperatiba

Jaso ordainsari bat zure EAZengatik

2025-02-20 16:30

Trantsizio energetikoak energia kontsumoa murriztea eskatzen duela ez da gauza berria. Halaber, egia da ere, murrizketa hori kontsumo-ohiturak aldatuz eta sortzen dugun energia berriztagarria modu eraginkorragoan erabiliz lortuko dugula.

Europak Espainiari proposatzen dizkion energia-kontsumoa murrizteko helburuak lortzeko, Europako beste herrialde batzuetan dagoeneko erabiltzen den sistema bat jarri da martxan: Energia Aurrezteko Ziurtagiriak (EAZ) hain zuzen ere. Energia aurrezteko ziurtagiri bat, energia-eraginkortasuneko ekintza bat gauzatu dela ziurtatzen duen dokumentu bat da. EAZ bat, urtean 1 kWh energia aurreztearen baliokidea da.

Merkaturatzaile gisa, Goienerren behartuta gaude Energia Eraginkortasunaren Funts Nazionalari (FNEE) ekarpena egitera. Trantsizio Ekologikorako Ministerioaren menpeko erakunde horren helburua da eraginkortasun energetikoko ekimenak finantzatzea. Guk FNEEri derrigorrez egin behar diogu ekarpena, zuzenean diruarekin ordainduta edo aipatutako EAZak lortuz.

Energia-merkaturatzaileok kontsumitzaile pribatuei, enpresei eta administrazio publikoei ordain diezazkiekegu ziurtagiri horiek. Sistema hori 2023ko otsailean jarri zen martxan, eta besteak beste, eraginkortasun esku-hartze hauek izan ditzake kontuan:

  • Fatxadak, estalkiak edo leihoak birgaitzea.
  • Galdara zaharren ordez aerotermia edo geotermia bidezkoak erabiltzea.
  • Argiteria publikoko edo industria-nabeetako argiztapen-sistema berritzea LED sistemak jarriz.
  • Konbustio-autoak ibilgailu elektrikoengatik ordezkatuz.

Gure zerbitzuak dibertsifikatzeko lanetan, Goienerren eraikinen birgaitze energetikorako aholkularitzan hasi gara, honen ondorioz EAZak kudetzea ere badagokigu. Hala, aurrezkpenak lortzen ari gara, eta horrek, kooperatibaren kostuak murrizten ditu batetik, eta mota horretako eskuhartzeak egin dituzten bazkideei hobariak dakarzkie bestetik.

Goienerren EAZen inguruko zerbitzu integrala eman nahi dugu eta 2025ean zehar zerbitzua zabaltzen joango gara, baina hasteko, ibilgailuen kasuari eutsi nahi diogu. Jakin nahi dugu zenbat konbustio-auto ordezkatu dituzuen kooperatiban %100 elektrikoak diren ibilgailuengatik.

Esku-hartze txiki hauek izapidetzeko mota bereko sail bat biltzea interesatzen zaigu. Horregatik, lehenik eta behin, 2023ko urtarrilaren 26tik 2024ko abenduaren 31ra bitartean ordezkatutako ibilgailuen ordainsariak baloratuko ditugu.

Beraz, data horietan ibilgailua aldatu baduzu, formulario hau betetzera animatzen zaitugu. Eta kooperatibako bazkide ez izanagatik ibilgailua aldatu duen inor ezagutzen baduzu, hari ere formularioa bidal diezaiokezu bete dezan.

EAZei buruzko informazio gehiago nahi baduzu, orri honetan topatuko duzu.

atzera
gora