• Energia-komunitateei esker herritarrek zuzenean parte hartu dezakete energia-sisteman, instalazio fotovoltaiko partekatuen, mugikortasun elektrikoaren edo bero-sareen bidez, besteak beste.
• Aliantzak bost autonomia erkidegotan eskainiko du zerbitzua, 3.000 pertsona baino gehiagorengana eta 400 Komunitate Energetikotara iritsiz.
• Plataforma martxan dago dagoeneko, eta energia-komunitateak kudeatzeko tresna ugari eskaintzen ditu: aplikazio mugikor bat, foro bat, mapa bat eta webguneak, besteak beste.

Eredu energetiko jasangarriago eta parte-hartzaileago baterako beste urrats bat emanez, Som Energia, Goiener, Ecooo, Energetica, Som Mobilitat, ePlural eta Tandem Social kooperatiben aliantzatik Estatu mailako proiektu bat sortu da, Ekonomia Sozial eta Solidarioaren printzipioetan oinarritutako Komunitate Energetikoak sendotzeko eta indartzeko. Energia-komunitateak irabazi-asmorik gabeko erakunde juridikoak dira, eta kide diren pertsonen eta erakundeen energia-beharrak asetzea ahalbidetzen dute, oligopolioan oinarritutako egungo energia ereduaren aurrean benetako alternatiba bat eskainiz.

Aliantza honen abiapuntua azken urteetan Katalunian garatutako Herritarrentzako Ereduaren esperientzia arrakastatsua izan da, eta helburu du beste autonomia-erkidego batzuetan (Madril, Gaztela-Mantxa, Gaztela eta Leon eta Euskal Herria, besteak beste) beste horrenbeste eragitea.

Eredu berritzaile eta eskalagarria

Proiektuaren helburua elkarri konektatutako energia-komunitateen sare handi bat sortzea da; asmo hori, komunitateen aktibazioa eta kudeaketa erraztuko duen kode libreko tresnak dituen plataforma digital baten bidez egingo da, hala nola komunitateko administratzaileentzako kudeaketa-eremu bat, bazkideentzako aplikazio mugikor bat, komunitateak ikusarazteko eta bazkide berrien atxikimendua errazteko mapa bat, webgunean gune bat eta foro baten bidez.

Gainera, ekimenak herritarrak jartzen ditu erdigunean, energia ekoizpen eta erabilera eredu deszentralizatua sustatuz, % 100 berriztagarria eta kolektiboki kudeatua.

Proiektuaren funtsezko helburuak

Energia Komunitate berrien aktibazioa errazteko, proiektuak bilatzen duena tokiko errealitate eta hedapen ekintza bakoitzera egokitutako lurralde-laguntzarako egituren ekosistema bat zabaltzea da. Era berean, plataforma digitala hedatzearekin batera, autokontsumo kolektibotik harago, Komunitateen kudeaketarako zerbitzu gehiago ematea proposatzen da. 

Ekonomia sozial eta solidarioko erakundeen arteko lankidetza bultzatzeak aukera ematen du, halaber, herritarren trantsizio energetikoa indartzeko eta plataformaren iraunkortasuna bermatzeko, estatu mailan gobernantza partekatua sortuz.

Krisi ekosozialari erantzuna

Energia-komunitateek erakutsi dute energia demokratizatzeko funtsezko pieza direla, eta aukera eman dute pertsonek, administrazio publikoek, enpresek eta industriak aktiboki parte har dezaten energia berriztagarrien ekoizpenean eta erabileran. 

Katalunian, Som Comunitats proiektua, 400 Energia Komunitate baino gehiago sortzea errazten ari da, Som Energia, ePlural, Tandem Social eta Som Mobilitat kooperatiben arteko aliantza baten bidez, trantsizio energetiko eta sozialari dagokionez eragin positiboa sortuz.

Eskualde eta estatu mailako aliantza osatzen duten erakundeak bat datoz honako hau esatean: “proiektu berri hau aurrerapauso handia da energia-erkidegoak Espainiako lurralde osoan benetako irtenbide eskalagarri gisa kokatzeko. Eredu energetiko justu, demokratiko eta herritarren esku baten aldeko apustua egiten dugu”. 

Som Comunitats proiektuari buruz

Som Comunitats bigarren mailako kooperatiba bat da, ekonomia sozialetik eta irabazi-asmorik gabe trantsizio energetikoaren buru diren erakundeek osatua. Estatuan energia-komunitateen eta haien ekosistemaren iraunkortasunari lagunduko dioten tresna teknologikoak eta irtenbide berritzaileak eskaintzeko sortu zen. Gaur egun, Som Comunitats Plataformak martxan dauden 84 energia-komunitateri ematen die zerbitzua, guztira 3.115 pertsona eta erakunde bazkiderekin. Era berean, 445 energia-komunitateren bultzada errazten du; guztira, 2.050 pertsonak bat egin dute plataforman aktibazioan parte hartzeko.

Entitate sustatzaileei buruz

Etengabe hedatzen ari den proiektu hau, erreferentziazko kooperatiba hauek gidatzen dute:

• Som Energia: Energia berdearen kontsumo-kooperatiba bat da, irabazi-asmorik gabekoa, eta jatorri berriztagarriko energia merkaturatzen eta ekoizten du, egungo energia-eredua aldatzeko eta % 100 berriztagarria den eredua lortzeko.
  
• Goiener: Irabazi-asmorik gabeko herritarren energia-kooperatiba. Energia elektrikoa % 100 berriztagarria saltzen die pertsona eta erakunde sozialei, eta bere energia berriztagarria sortzen du. Euskal Autonomia Erkidegoko eta Nafarroako Energia Komunitateen kudeaketan eta laguntza administratiboan espezializatua dago.
  
• Ecooo: Lan elkartuko kooperatiba, energia berriztagarrietan autokontsumo, inbertsio, aholkularitza, berrikuntza eta herritarren parte-hartze proiektuak bultzatzen dituena. Madrilgo eta Gaztela-Mantxako energia-komunitateei laguntzen espezializatuta dago.
  
• Energética: Energia berriztagarrien kontsumo- eta ekoizpen-kooperatiba, irabazi-asmorik gabea, demokratikoa, gardena eta horizontala. Gaztela eta Leonen du egoitza, eta esperientzia handia autokontsumoan eta energia-komunitateetan.
  
• Som Mobilitat: Irabazi-asmorik gabeko kontsumo-kooperatiba bat da, mugikortasun jasangarriago baterako trantsizioa egiteko mugikortasun-zerbitzuak eta -produktuak eskaintzen dituena.
  
• ePlural: Bigarren mailako kooperatiba honek trantsizio energetikoa lortzeko lan egiten du, 5 kooperatiba ditu sektore energetikoan, mugikortasun iraunkorrean eta ekonomia sozial eta solidarioaren garapenean.
  
• Tandem: Berrikuntza, erakunde desberdinetako langileen lan-baldintzak hobetzea eta ekonomia sozial eta solidarioaren hazkunderako esperientzia duen lan-kooperatiba.