Astelehenero 8:00etan zure epostan
Eraldaketa justu baterako bidean, ezinbestekoa da bidelagun egokiak aurkitu eta aliantza sendoak sortzea. Agerian geratu da hori Euskadiko CCOO sindikatuak eta Goiener energia berriztagarrien sorkuntza eta kontsumo kooperatibak gaur sinatu duten lankidetzarako akordio berrian. CCOO-ko Loli García Garcíak eta Goienerreko Jon Urturi Aldamak lankidetza-dokumentua sinatu dute, egungo larrialdi klimatikoaren aurrean energia-kontsumo kontzienteagoa sustatzeko.
Goienerren bazkidetzeko erraztasunak
Euskadiko CCOO sindikatuak eta Goienerrek lankidetzan jardun dute azken 5 urteetan. Orain, urrats sendoagoak ematea erabaki dute bi erakundeen arteko konpromisoan.
Modu honetara, Euskadiko CCOO sindikatuak bere langileak Goienerren bazkidetzera animatuko ditu, irabazi-asmorik gabeko kooperatiba herritar eta berriztagarrian sartzeko erraztasunak emanez.
Bi aldeentzako akordio onuragarria
Bere aldetik, Goienerrek arreta zerbitzua eskainiko dio sindikatuari, eta faktura elektrikoari buruzko hitzaldiak eta aholkularitza-tailerrak eskainiko ditu Euskadiko CCOOren egoitzetan.
Lankidetzarako hitzarmen honi esker, bi erakundeek urratsak ematen jarraitu nahi dute berriztagarrien eta ingurumena errespetatuko duen bidezko energia eredu baten alde.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545