Asteroko buletina
Sapar zailari aihotz zorrotza

Bizi baratzearen plaza

Ekologistak Martxan
Ekologistak Martxanetik ekologismo soziala jorratzen dugu. Ingurumenaren arazoak, ekoizpen eta kontsumo ereduekin loturik daudela uste dugu, geroz eta globalizatuagorik dagoen mundu honetan; eta guzti honek, bestelako gatazkak sozialak eragiten ditu gure ikuspegitik: Iparralde eta Hegoaldearen arteko harremanak, desberdintasun sozialak...

Mugaren bi aldeetako herritarrak aldi berean kontzentratu dira interkonexio elektronikoaren aurka daudela adierazteko

2022-12-05 12:03

Espainia eta Frantzia arteko mugaz gaindiko konexio elektrikoaren makroproiektuaren aurka elkartuta, atzo, abenduak 4 igandea, proiektuak Euskal Herriko eta Frantziako lurretan kaltetutakoen kolektiboak kostaldeko hainbat puntutan bildu ziren; zehazki, tentsio oso altuko kable erraldoia itsasoan sartuko den mugaren bi aldeetako lekuetan.

Hala, Le Groupe National de Surveillance, Pickitup40, Amis de la terre, Sepanso, CADE, Benesse Environnement, France Nature Environnement eta Stop THT 40 kolektibo frantziarrak Landetako Capbreton hondartzetan bildu ziren; Bizkaiko Interkonexio Elektrikorik Ez!, Butroi Bizirik eta Makatzak plataformek, berriz, gauza bera egin zuten Basordasko kalan, Lemoizko zentral nuklearraren instalazioen ondoan. Ehunka herritarren babesaren laguntzaz, kezkatuta agertu ziren  proiektuak osasunean eta ingurumenean izango duen eraginagatik. Era berean, salatu zuten proiektuak kontsumitzaileentzako dakarren arrisku ekonomiko handia; sustatzaileak, REEk eta Frantziako beste alderdiak osatutako partzuergoak, hasierako aurrekontuarekiko 1000 milioi euroko garestitzea iragarri eta egun batzuetara.

Plataformek, proiektu hori arbuiatzeko, bi estatuetan ekintza koordinatuak egiteko borondatea agertu zuten; izan ere, diru-xahutze ekonomiko onartezin gisa ikusten da, herritarrek faktura elektrikoari aurre egiteko arazo larriak dituzten une honetan.

 

atzera
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora