Ekologistak Martxan

Ekologistak Martxanetik ekologismo soziala jorratzen dugu. Ingurumenaren arazoak, ekoizpen eta kontsumo ereduekin loturik daudela uste dugu, geroz eta globalizatuagorik dagoen mundu honetan; eta guzti honek, bestelako gatazkak sozialak eragiten ditu gure ikuspegitik: Iparralde eta Hegoaldearen arteko harremanak, desberdintasun sozialak...

LPS HONI EZ! dinamika aurkeztu da, Eusko Jaurlaritzaren Energia Berriztagarrien Lurralde Plan Sektorialaren onarpenaren aurrean

2025-12-04 18:29

Eusko Jaurlaritzak berandu baino lehen onartu nahi duen Energia Berriztagarrien Lurralde Plan Sektorialari (LPS) ezezkoa adierazteko eta honi aurre egiteko sortu den LPS HONI EZ! dinamika aurkeztu da. Dinamikaren ordezkariek adierazi dutenez, LPS hau onartu bezain pronto epaitegietara eramateko konpromiso irmoa hartu dute.

Dinamikako kideen arabera LPS honek eskala handiko parke eoliko eta fotovoltaikoen hedapen masiboa bultzatzen du, eta horrek mendi-gain eta landa eremuen suntsiketa ekarriko du. Nabarmendu dutenez, planak ez ditu herritarren ongizatea eta ingurumenaren babesa bermatzen, baizik eta energia berriztagarrien negozioarekin irabaziak lortzen dituzten enpresa handien interesak lehenesten ditu.

LPS HONI EZ! dinamikaren iritziz, ez da berria gure lurraldeak gutxi batzuen interes ekonomikoen eta espekulazioaren menpe egotea. Oraingo planak ere, aurkeztu den aurreproiektuaren arabera, enpresa energetiko handiek interes espekulatiboetarako ateak zabalik uzten ditu.

Lurralde antolaketa koherente baten aldeko aldarria

Dinamikako kideek gogorarazi dute lurraldearen antolaketak bi helburu nagusi izan beharko lituzkeela:

Balio ekosistemiko, kultural eta sinboliko handiko eremuak babestea, eta
Guztion ongizate kolektiboa hobetzeko baldintzak sortzea.

Horren arabera, aurkeztutako LPSak kontrako norabidean egiten duela salatu dute, eta interes espekulatiboetan oinarritutako diseinu enpresarial baten ordez interes ekologiko eta sozialetan oinarritutako planifikazioa behar dela.

Krisialdi klimatikoaren aurkako benetako neurririk gabe

Dinamikak adierazi duenez, LPSa aldaketa klimatikoaren aurkako neurri gisa aurkezten bada ere, planaren edukiek erakusten dute ez dagoela benetako borondaterik krisi ekologikoari eta klimatikoari aurre egiteko neurri eraginkorrak hartzeko. Azpimarratu dutenez, berriztagarrien hedapen masiboak ez du zalantzan jartzen gaur egungo kontsumo eredua, eta energiaren eskaera gero eta handiagoaren logikan kokatzen da.

Izaera antidemokratikoaren salaketa

Horrez gain, LPSaren diseinu eta onarpen prozesuaren izaera antidemokratikoa salatu dute. Herri mugimenduek adierazitako oposizioari, erakunde zientifikoen irizpideei eta

aurkeztutako 4.000 alegaziotik gora kontuan hartu gabe egin dela aurrera ohartarazi dute.

Era berean, LPSaren aurreproiektuan marraztu den “lurralde egokien” mapak barne hartzen ditu Jaurlaritzak berak ingurumen inpaktu larriagatik atzera bota behar izan dituen zenbait proiekturen kokalekuak.

Antolakuntza eta erantzuna

Dinamikaren ustez, ez dago LPS hau justifikatzen duen inolako arrazoirik; kontrakoa, atzera bota beharko litzateke. Politika immobilismoaren testuinguruan, herri eragileei dagokiela erantzutea eta tamaina honetako ofentsibaren aurrean antolatzea nabarmendu dute.

Horregatik, LPS HONI EZ! dinamikaren bidez, LPS onartzear dagoen honi aurre egiteko eta herritarren interesak defendatzeko konpromisoa berretsi dute. Helburua argia da: plana auzitara eramatea eta auziaren salaketa kalera eramatea modu zabal eta bateratuan.

Gaur gaurkoz, dinamika zenbait norbanakok eta hurrengo taldeek osatzen dutela jakinarazi dute: