Euskal Herriko Mugarik Gabeko Ingeniaritza (ISF-MGI), UPV/EHUrekin batera, Giza Garapena, Lankidetza eta Trantsizio Ekosozialerako Teknologiei buruzko Mintegia antolatu du Online, (ibilbide eta kasu praktikoekin osatuz). Bizkaiko Irakaskuntza Teknikoetan Garapenerako Sentsibilizazio eta Hezkuntza proiektuaren esparruan eta Bilboko Udalaren laguntzarekin.

Jardunaldi hauen bidez, mintegiaren planteamendua Trantsizio Ekosozialari eta Garapenerako Lankidetzari buruzko oinarrizko elementuak eskaintzea da, eta dauden desberdintasunen panoramari buruzko kontzientzia kritikoa sortzea, genero-desberdintasuna eta arazoak barne, bai Hego Globaleko, bai Ipar Globaleko herrialdeetan.

Horretarako, jendarte zibileko eta Bizkaiko Lankidetzako erakundeetako hainbat ordezkarik parte hartzen dute. Parte hartzeko eta eztabaidatzeko metodologiekin saioak planteatzen dituzte, genero-ikuspegia agerian jartzen dute eta planteatutako gaietan sakontzeko material osagarria ere jasotzen dute.

8Ikastaroa garapenerako lankidetzarekin zerikusia duten oinarrizko ezagutzak eskuratu nahi dituzten edozein formakuntzatako pertsonentzat da, eta Gradu Bukaerako Lana Jendarte Eraldaketarekin lotutako eremuetan egin nahi duten ikasketa zientifikoetako ikasleentzat interes bereziko saioak izango ditu.

XXVI. edizioa 2025ko azken hiruhilekoan egingo da, urriaren 3tik azaroaren 28ra, ostiralero. Saio horiez gain, ibilbide, txango eta saio praktiko bana egingo dira jardunaldietan landutako gaiak sakontzeko.