• Duela urtebete eskas, 2025eko apirilean, Ekologistak Martxan-ek Andra Mari Bideko Telefonicaren eraikineko obrak geldiarazteko eskatu eta lortu zuen

• Erakunde ekologistak aldamioen instalazioaren berri jaso du, eta horrek arriskuan jartzen ditu ugaltzeko garaian dauden hegaztiak

Zikoinak itzultzen dira, baita obrak ere. Asteazkenean, otsailaren 18an, Ekologistak Martxan-ek jakin zuen, Gorlizko bizilagun baten bitartez, aldamioak jartzen hasi direla Telefonicaren eraikinean, Andra Mari Bidean. Egoera hori bera salatu zuen iaz erakunde ekologistak; izan ere, horrelako ekintzak mehatxu larria dira umatze-garaian babestutako espezie batentzat, eta obrak gelditzea lortu zuten.

Kontuan izan behar da jarduera horrek estres-egoera oso handia eragiten duela zikoinetan, eta baliteke zikoinak erruteari uztea lanekin jarraituz gero. Ugalketa-garaian, habiaren inguruko edozein aldaketa esanguratsuk ondorio katastrofikoak izan ditzake habiaren bideragarritasunean eta bikotearen ugalketa-arrakastan.

Zikoina zuria (Ciconia ciconia) Babes Bereziko Erregimeneko Basaespezieen Zerrendan dago, eta Arriskuan dauden Espezieen Euskadiko Katalogoan eta haien habian, giza eraikinetan egon arren, urte osoan legezko babesa du, batez ere ugalketa-garaian. Haren jokabidea aldatzen duen edo haren ondorengoak arriskuan jartzen dituen edozein jarduera arau-hauste administratiboa izan daiteke, baita basafaunaren aurkako delitua ere, indarrean dagoen legediaren arabera (42/2007 Legea, Natura Ondareari eta Biodibertsitateari buruzkoa; 9/2021 Legea, azaroaren 25ekoa, Euskadiko Ondare Naturala Kontserbatzeari buruzkoa, eta Zigor Kodea).

Ekologistak Martxan-eko eaktibistek egoera horren berri eman diote Basozainak Bizkaiko Foru Aldundiko basozaindegi-zerbitzuari, eta obrak berehala gelditzeko eskatu dute, txitak jaio eta abandonatzeko arriskua gutxitzen duen tamaina lortu arte behintzat. Era berean, Bizkaiko Foru Aldundiaren eta Ertzaintzaren premiazko esku-hartzea eskatu dute, basafaunaren arloan eskumena duen administrazioa den aldetik, espezieak eta haien habitatak babesteko indarrean dagoen araudia hausten ez dela bermatzeko.

Ekologistak Martxan-ek administrazio publikoei eskatu die hegaztiak ugaltzeko garaian obrak aurrez ikuskatzeko eta kontrolatzeko protokoloak indartzeko, eta hirigintza-kudeaketan biodibertsitatea prebenitzeko eta errespetatzeko irizpideak txertatzeko. Biodibertsitatearen kontserbazioa ezin da zoriaren edo auzokideen salaketen mende egon, baizik eta politika publiko aktibo, arduratsu eta basa-faunarekin konprometituen mende.