José Luis Martínez, mendizale eta Plataforma en Defensa de las Montañas de Aragón elkarteko bozeramaileak Pirinioetako biltzarrari buruz hitz egingo du martxoaren 26an, ostegunean. Biltzarra Jakan egingo da apirilean, Canal Roya glaziar haranaren eta Anayet-Partacua mendi gunearen defentsan.

Biltzarrean parte hartuko dute zientzialariek, himalayistek, anbientalistek eta lurraldeko jendeak. Helburua Canal Roya harana babestea da, eta klima aldaketak goi-mendian duen eraginaz, higiezinen espekulazioa geldiarazteaz, biodibertsitatea babesteaz eta bailaretako biztanleentzat etorkizun justua bilatzeaz eztabaidatzea.