Oso aurreratuta daude brikolajearekin lotutako kate baten merkataritza-gune berri bat eraikitzeko lanak Errekaldeko industrialdean, Lasarte-Oria eta Donostiaren arteko mugan, Coca Cola zena eta Funeraria Vascongadaren atzeko partean, Bigarren Ingurabidetik jaisten den mendi-hegalean.
Orain dela urtebete inguru, lanak hasi zirenean, proiektu honen lehenengo biktima mendi-hegal horretan hazten zen basoa izaten ari zela salatu eta okerrena oraindik iristeko zegoela ohartarazi genuen:
Honako fotomuntaketa hau izan zen salaketa hura ilustratzeko erabili genituen irudietako bat:
“Futomuntaketa hau Plan Berezia izapidetu zen garaikoa da –argitu genuen–. Beharbada merkataritza-gune berriaren itxura ez da zehatz-mehatz hor agertzen den bezalakoa izango, baina basoari kendu behar dioten puska nabarmena da, ezta?”.
Bada, dudak baldin bazeuden, dagoeneko denak uxatuta daude. Segi Errekaldera eta zuk zeuk ikusi bertatik bertara, edo erkatu fotomuntaketako irudiak testu honen buruan dagoen argazkiarekin, edo bideo honekin, bata zein bestea joan den astean ateratakoak direla:
Basoa bota izanatik harago ere jarraitzen dugu pentsatzen operazio hau hirigintza desegokiaren eredu dela:
EGUZKI, 2026ko apirilean
cc by-sa
Sareko kide
Ekoedizioaren Institutuko bazkide
