Ikastetxeetan, txikitatik, ingurumen-balioetan, birziklatzean, natura zaintzean… hezten saiatzen gara. Baina badirudi kasu askotan ezinezko lana dela, matematika baino ezinezkoagoa.
Zaila da konturatzea nola egin aurre klima-aldaketari, baso-soiltzeari, kutsadurari, isurketei… keinu txikiak egin gabe.
Oraingo honetan gizalegerik gabeko jokaeraz ari gara gure herri eta auzoetako jaietan, atzean arrasto zikina utziz. Zabor kilo eta kiloak, plastikozko poltsak, edalontziak, botilak,…
Hemen dituzu Lekeitioko San Antolin jaietako irudi batzuk, baina beste edozein tokitakoak izan zitezkeen.
Guztion kontua da gure ingurunea zaintzea, eta udalen lana da jendeari bere hondakinak birziklatzea erraztuko dioten bitarteko guztiak jartzea eta kontzientziatzea,Sortutako zabor guztia goizean garbitzera mugatu gabe.