Iturria EJ: Uholde-arriskuaren mapa: urdina 10 urte, gorria 100 urte eta laranja 500 urte
2024ko apirilean, Kostaldeetako Zuzendaritza Nagusiak baimena eman zion Gipuzkoako Kostaldeetako Zerbitzu Periferikoari 1999ko apirilaren 27ko Ministro Aginduak onartutako mugaketa zuzentzeko espedientea hasteko. Mugaketa horrek 920 metroko tarte bati eragiten dio, Donostiako Loiola auzoan. Tarte hori bat dator Lurreko Armadaren kuartel militarrek okupatutako lurrekin; izan ere, 28/1988 Legean ezarritako zortasunak aplikatzetik salbuetsita zeuden, “defentsa nazionalari lotutako ondasun” deklaratu baitziren.
Gipuzkoako Kostaldeetako Zerbitzu Probintzialak, aipatutako baimena aplikatuz, 2024ko maiatzaren 14an erabaki zuen espediente hori hastea, eta erabaki hori 2024ko maiatzaren 27ko 101. GAOn argitaratu zen.
Uler daitekeenez, espediente honen jatorria da lursail horiek zuten “interes nazionaleko” izaera galdu izana, eta, beraz, aplikatzekoak zaizkion zortasunak bete behar dituztela ulertzen da. Eta hori itsaso eta lehorraren arteko jabari publiko (ILJP) mugaketa zuzentzearen bidez lortu nahi da.
EGUZKI talde ekologistak beharrezkotzat jo du espediente horretan parte hartzeko eskaera egitea, ingurumen-irizpideak emateko, gure ustez, kontuan hartu beharrekoak baitira azken erabakia hartzerakoan. Izan ere, erantsitako planoan ikus daitekeenez, eremu hori erabat urpean geratzen da 500 urteko errepikatze-denborarako; eta gainera, klima-aldaketaren aldagaia ez da kontuan hartzen gaur egun erabiltzen diren proiekzio eta ereduetan. Aipatutako aldagaia, euri-jasei dagokienez, zaila da aurreikusten, baina giza bizitzetan eta ondasunetan izaten dituzten eraginei dagokienez, dramatikoak izaten ari dira.
Gaur egun, gertatzen ari diren uholde guztiekin eta Valentziako azken uholdearekin, klima-aldaketarekin lotutako uholde-arriskuen balorazio egokiagoa egin dezakegu, eta, ikuspuntu horretatik, lortu nahi den mugaketaren lehentasunezko helburua pertsonen segurtasuna eta bizitza eta ondasunen babesa izan behar dira.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Bidelagun
cc by-sa
Sareko kide
Ekoedizioaren Institutuko bazkide
