Oraingo honetan, Bardearen inguruan egingo da, tiro-poligonoaren mehatxua salatzeko eta 2028an berritzeko egindako saiakera salatzeko, baita NATOren eta EBren deriba militaristaren aurka ahotsa altxatzeko ere. Eta, batez ere, Euskal Herriko Herri Mugimenduaren topagune hori berpizteko: sareak ehuntzeko, konplizitateak sortzeko eta borroka partekatuak bultzatzeko lekua.
Iraultza Txikien Kanpaldia ekologismoaren, feminismoaren, antimilitarismoaren eta internazionalismoaren inguruan behetik topo egiteko, eztabaidatzeko, ikasteko, antolatzeko eta alternatibak eraikitzeko gunea da.
Hitzaldiak izango ditugu gizarte-mugimenduetako eta akademiaren munduko erreferenteekin, zeharkatzen gaituzten gaiak aztertzeko, tailer parte-hartzaileak, kontzertuak eta aliantzak egiteko topaguneak. Programazio askotarikoa eta parte-hartzailea, zure ideia eta proposamenei irekia.
Bete izena emateko formularioa, partekatu zure kolektiboekin, zure jendearekin, zure ustez batu dezaketenekin. Zenbat eta gehiago izan, orduan eta ozenago entzungo da gure ahotsa.
https://forms.komun.org/iraultza-txikien-akanpada-2026
Lagundu deialdi hau zabaltzen: birbidali mezu hau, partekatu formularioaren esteka, hitz egin zure jendearekin eta antzeko taldeekin. Guztien artean, ITA 2026 bidea markatuko duen topagune eta erresistentziagune bihur dezakegu.
Zatoz IRAULTZA TXIKIEN AKANPADA 2026an parte hartzera!Agur bero bat.
Bardea libreak