Orain dela egun batzuk, hainbat arrain eta hegazti hilik agertu ziren Urumean, Martutene parean. Basahateak, kaioak, ubarroiak, aingirak, barboak… hilik edo hilzorian agertu ziren. Ez da lehenengo ez bigarren ez hirugarren aldia. Itxuraz, episodioak zerikusia izan dezake errioa estali zuen gasolio-orban handi batekin.

Kasu gehienetan bezala, inoiz ez dugu jakingo isurketa nondik atera zen, ezta arrainak eta hegaztiak zehatz-mehatz zergatik hil ziren. Izan ere, ez dirudi administrazioari edo Poliziari gehiegi axola zaienik.

Post hau ilustratzen duten argazki eta bideoak Donostia Kayak klubari zor zaizkio.