“Ukrainako gerraren hasieratik 4 urte eta NATOren erreferendumetik 40 urte bete direnean, gizateria une dramatikoan da”. Horrela hasten da GERRARIK EZ ekimenak egunotan zabaldu duen manifestu antimilitarista. Eguzkikooi egokia iruditu zaigu eta post honetan zurekin partekatu nahi dugu. Lerro batzuk aurrerago aurkituko duzu, baita atxikimendua adierazi duten taldeen zerrenda ere.

Halaber, manifestua zabaltzearekin batera, GERRARIK EZ ekimenak mobilizazioak antolatu ditu aste honetan Hego Euskal Herriko lau hiribueruetan:

OSTEGUNEAN, HILAK 26

• Donostian, Bulebarrean, 18:30ean.
• Bilbon, Plaza Biribilean. 19:00etan.
• Gasteizen, Andre Maria Zuriaren Plazan, 19:00etan.

OSTIRALEAN, HILAK 27

• Iruñean, Udaletxeko Plazan, 19:00etan.

Deialdi bakoitzaren kartelak hemen dituzu, igoal guatxap edo zure sare sozialen bitartez zabaltzeko komeni zaizkizu eta. Eta ondoren, manifestua, osorik.

DEIALDI ANTIMILITARISTA, 2026ko OTSAILAK

Ukrainako gerraren hasieratik 4 urte eta NATOren erreferendumetik 40 urte bete direnean, gizateria une dramatikoan da.

Donald Trumpek bere burua munduko enperadore izendatu du, Venezuelan, Iranen, Groenlandian eta egokitzat jotzen duen beste edonon borroka militarra elikatuz. Bere jarduerek sistematikoki urratzen dute nazioarteko zuzenbidea, eta gerra handi bat gertatzeko arriskua handitzen dute. Une honetan, AEB, AEBak, Errusia eta Txina potentzia handiak armamentu-lasterketan murgilduta daude, ez da izango gizateriaren mesederako.

Deialdi hau sinatzen dugunok ez dugu inolako gerra, genozidio edo eraso kolonialistaren konplize izan nahi. Ukrainaren inbasioa eta NATOren espantsionismoa arbuiatzen ditugu. Gaitzesten dugu Israel Gazan egiten ari den genozidioa, baita Sudan, Kongo, Siria eta abarretako gerrak ere. Bereziki Estatu Batuen politika neokolonialista salatzen dugu, Venezuela, Kolonbia, Mexiko, Kuba, Groenlandia, Iran edo Nigeria mehatxatzen dituena.

Bestalde, egoki deritzogu gogorarazteari duela 40 urte Euskal Herriak gehiengo zabalez uko egin ziola NATOn sartzeari. Bagenekien Aliantza Atlantikoak ez zuela bakea bermatzen eta Washingtonek kontrolatzen zuela bere onurarako. Dagoeneko Donald Trumpek aliantza erabiltzen du Europari aginduak emateko: % 5eko gastu militarra, muga-zerga garestiak edo gas likidotua eskandaluzko prezioetan erostera behartu, Groenlandia mehatxatzen eta Europako eskuin muturra sustatzen duen bitartean.

Europari ezarritako armamentu-karrerak gastu militarra hirukoiztuko du 2035ean, eta urtean 900.000 milioi eurora igoko da. Gastu hori finantzatzeko murrizketak egingo dira osasunean, hezkuntzan, pentsioetan, nekazaritzan, klima-aldaketaren aurka borrokatzeko funtsetan eta abarretan.

Espainiako gobernuak ere men egin du, eta 2035erako gastu militarra bikoizteko konpromisoa hartu du. Horrela, joan den abenduaren 31n 13.000 milioiko partida bat onartu zuen, diskrezioz, gastu militarra % 2,1era igoz, eta hori da NATOk 2025erako eskatzen zuena.

Euskal Herrian, Eusko Jaurlaritza eta Nafarroako gobernua beren militarismoagatik nabarmentzen ari dira. Eusko Jaurlaritzak publikoki babestu zuen Zedarriak enpresa-foroaren militarismoa, eta, ondoren, kendu egin zuen 2026rako Aurrekontuen Legean armamentu-enpresak funts publikoekin finantzatzeko debekua. Nafarroan, gobernuak urrezko domina eman zion M. Torresi, eta unibertsitateek erabilera bikoitzeko enpresak ikertzen eta sustatzen dituzte.

Karrera armamentista gelditzeko eta irtenbide baketsuak eskatzeko garaia dela uste dugu. Bake-akordioak ez dira planteamendu utopikoa. Gerra Hotzaren erdian ere, ohiko tropen eta arma nuklearren kopurua mugatzen zuten tratatuak lortu ahal izan ziren.

Kontua ez da ezin dela, baizik eta ez dela bakea nahi. Elite ekonomiko eta politiko batzuk armamentismoarekin eta beste herrialdeetako aberastasunaren espoliazioarekin negozioa egitea bilatzen dute, haien gutiziak giza sufrimendurik sortuko ez balu bezala.

Horregatik guztiagatik, NATOk ezarritako politika militarista hausteko eskatzen diegu Euskal Herriko, Espainiako eta Europar Batasuneko alderdi politikoei eta gobernuei. Lehentasuna eman diezaiotela pertsona guztiek “bizitza duina” izateko duten eskubideari, eta uko egin diezaiotela gizarte-prestazioen murrizketari gastu militarra handitzeko.

GERRARI EZ

NATO-RI EZ – EUROPARI INPOSAKETARIK EZ

BAKEA ETA NEUTRALTASUNA EUSKAL HERRIA, EUROPA ETA MUNDUARENTZAT

Gerrarik Ez
KAKITZAT Koordinadora Antimilitarista
Emakumeok Gerraren Aurka-Mujeres Contra la Guerra
Gasteizkoak
Ciudadanía Contra la Guerra – Herritarok Gerraren Aurka
Paz y Solidaridad de Euskadi, Bakea ta Alkartasuna
Bake Goldeak
Bake Ekintza Antimilitarista
Kem- MOC Iruña
Centre Delás D’estudis per la Pau

ELA Sindikatua
LAB Sindikatua
STEILAS Sindikatua
CGT LKN EH
ESK Sindikatua
CCOO de Euskadi
CNT Gipuzkoa

Ongi Etorri Erefuxiatuak
Mundubat
Gaurgeroa
Arabako SEADen Lagunen Elkarteak
Gure Haurrak Ere Badira
Sanitarioak Palestinarekin
Ateneo Republicano de Álava – ERAIKI- Arabako Errepublikar Ateneoa
Munizipalistok Gasteiz
Eguzkilore
SORGINENEA Asociación casa de las mujeres de Gasteiz
Argitan
Berriochoa
SATORRAIALA
EGUZKI Talde Ekologista
Ekologistak Martxan Bizkaia
SETEM Hego Haizea
Bizigarri Zaramagako auzo elkartea de Gasteiz
Coordinadora de Sacerdotes de Euskal Herria
Herria 2000 Eliza
Mugarik Gabe