Eguzki talde ekologistak ekarpenak egin dizkio 2026ko ekainaren 30an egin zen udalbatzarrean hasierako onarpena jaso zuen Errenteriako herri-bideen inbentarioari.

Udalaren onarpena 2026ko uztailaren 22an argitaratu zen GAOn, eta, iragarkiak esaten duen bezala, espedientea jendaurrean jarri zen alegazioak edo ekarpenak egiteko, 30 eguneko epea finkatuz. Ekarpenak egiteko epealdia herriko jaiekin bat etorri arren eta uda garaian izan arren, ekarpenak egiten saiatu gara eta epe legalaren barruan, hau da, irailaren 10ean eman genion sarrera ekarpenen idatziari udaleko erregistro orokorrean.

Herri-bideen Inbentarioari ekarpenak egiteaz gain, sei ekarpen guztira, gure ustetan horien erabilpena errazten duten bi proposamen aurkeztu ditugu modu osagarrian, kontuan hartzeko modukoak direlakoan.

Herri-bideen Inbentarioa egitea betebehar legala izateaz gain, ezinbestekotzat jotzen dugu jabari publikoko ondasunak zehazteko eta juridikoki behar izatekotan babesteko eta bermatzeko.

Aurkeztu ditugun proposamenak interes orokorraren defentsan egiten ditugulakoan gaude, eta Udalak horrela ulertzea espero dugu.