Barakaldo Naturalak antolatuta, asteazkenean, hilak 20, energia berriztagarrien eta desazkunde energetikoaren inguruko mahainguru bat izango da, 19:00etan, San Bizenteko kultur etxean. Bertan EH Bizirik zein STOP Fosilak ekimenetako ordezkariek parte hartuko dute.

EH Bizirik eta STOP Fosilak, biek ala biek ekologismoa eta lurraren defentsa aldarrikatzen dituzte. Biek ala biek uste dute desazkundea beharrezkoa ez ezik nahitaezkoa ere badela. Biek ala biek lan egiten dute energia berriztagarrien bueltan. Eta hala ere… elkarrengandik oso-oso urruti daude, itxuraz, antipodetan. Zergatik? Zer planteatzen du bakoitzak? Ez ote dago elkarren arteko zubi posiblerik? Galdera hauei erantzuna ematen saiatzeko aukera bikaina izango da Barakaldo Naturalak azteazkenerako antolatu duen mahainguruan.