Eguzkik atzo berriz ere 112ra deitu zuen, Infernuko obretatik Añorga errekara eginiko isurketa berri bat salatzeko. Aurrekoetan bezala, Tolosa Etorbidean Nanogure parean azaleratzen diren bi tuneletako batetik isurkin opako bat ateratzen zen; bestetik, berriz, ur garden samarra. Kontrastea ederki asko ikus daiteke atxikita bidaltzen dugun argazkian.

Eguzkik martxoaren 17an deitu zuen lehen aldiz 112ra antzeko isurketa bat salatzeko (1). Lehen ere, auzokoek esanda, bagenuen gisa honetako beste isurketa batzuen berri.

Lehenengo dei hark balio izan zuen Urak susmatzen genuena konfirmatzeko, alegia, isurketak Infernuko obretatik datozela, neurri prebentiboek funtzionatzen ez dutelako edo gaizki funtzionatzen dutelako. Atzoko isurketak agerian utzi zuen gauzak ez direla inolaz ere aldatu.

Zigor-espedientea irekitzeko exijitzen dugu, eta, batez ere, isurtzeari behingoz uzteko.

EGUZKI, 2026ko martxoan

(1) Eguzkik isurketa baten berri eman du Añorga errekan, Nanogune parean | Eguzki Talde Ekologista