Zoritxarrez, ohikoegia da harrobien gaia ingurumen-delituen gaiarekin lotuta ikustea.
Oraingoan, EGUZKI talde ekologistatik beste behin salatu nahi ditugu AMENABAR taldeko Marnemarreko Aulesti eta Markina artean Lekoitz harrobian maiz gertatzen diren isurketak.
Azken isurketa irailaren 13an gertatu zen.
URA Agentziako langileek beste batzuetan egindako laginketen ondorioz, Ubero izeneko errekastoak hartu ohi duen kolore zurixka, Agentzia honen iritziz, dekantazio-putzuak bete izanaren ondorio izan ohi da.
Nazkatuta gaude horrelako gertaerak zigorgabetasun osoz gertatzen jarraitzeaz, eta dei egiten dugu behingoz inplikatutako erakundeek gaiari buruz hitz egin dezaten.
Ez da nahikoa akuiferoak izorratzea gainazalean dauden urek ere kutsa gaitzaten?