Nafarroako nekazaritza ekologikoaren zifrek gora egin dute berriro, lurraldeko nekazaritza-azaleraren %7,4ra iritsi arte, baina oraindik urrun dago 2030erako Europar Batasunak ezarritako %25eko helburutik. CPAEN/NNPEKeko presidente berriak, María José Arrondok, inbertsio handiagoa eskatzen du Europak ezarritako helburua benetan lortu nahi bada. Zifrak Nafarroako sektore ekologikoaren egungo egoeraren berri emateko eta CPAEN/NNPEKen Kontseilu berriari aurkezteko balio izan duen prentsaurreko batean jakinarazi dira. Kontseilu berria joan den martxoan izandako sektore ekologikoaren hauteskundeen ondoren sortu zen.