Dani Blanco
[Jakoba Errekondo]
Izpiliku fina, asta-izpilikua... Espezie asko dago genero honetan. Belatxeta eta belar xuta ere esaten zaie. Txindurriak uxatuko ditu eta baratzerako onak diren makina bat intsektu erakarri, garbitzaile onak diren krisopak, polinizatzaileak... Lurringarriarena egiteko ere etxean nonahi jar dezakezu, arropa artean, adibidez.
Toki lehorretakoa hau ere, halako txoko batean jarri, eguzki galdatan. Eskertuko du, eta alde ederreko lurrineko hostaila emango du. Karea eta errautsa gustuko ditu. Adaxkak udazkenean edo udaberrian aldatu behar dira: lorerik eman ez duten kimu berri guriak izan behar dute, mutturreko hosto txikienak bakarrik utzi, eta lur gozoan aldatu. Hormonetan bustiz gero errazago itsatsiko dira. Lorea lehortu eta jasotzeko goiz partean moztu, behin ihintza desagertu denean; sortatan lotu eta buruz behera ilunpetan jarri.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
