[Jakoba Errekondo]
“Usain ederrekoa” esan nahi du bere izenak. Etxeetan gero eta gehiago ikusten da. Leihoetan euliak uxatzeko,usain ederra zabaltzeko eta gero mahaira. Aldaera ugari du: hosto gorri, berde, leun, kizkur...
Urteroko landare da: jaio, hazi, loratu eta haziak eman urtearen barruan egingo ditu. Lur harroan jarri, eta eguzkitan. Zenbat eguzki, hainbateko lurrina. Apiril aldera ereiten da. Hamabost bat zentimetro dituenean loreontzian edo baratzean aldatu, arrabeteko tartearekin. Hilabetera jateko moduan da. Hostoak edo arbak mozten zaizkio. Beste landareen artean aldatuta zorriak uxatzen ditu. Aza, babarrun, tomate edo piper artean jarri, baina sulfatatzerakoan kontuz, ez busti. Asko badugu edo loratzera jotzen badu, mutturreko loreetarako kimuak kimatu. Abuztutik aurrera loreetako joera indartzen da eta hazietarako diren landareak ez besteak gupidarik gabe moztu. Jasotzeko era asko dago. Toki ilun batean lehortu eta potoetan jaso. Heze dagoela izoztu. Olioari eta ozpinari lurrin berezia eransteko ere erabiltzen da.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
cc by-sa
Sareko kide
Ekoedizioaren Institutuko bazkide
