San Jurgi, artoak ereiteko goizegi.

Bardeako Komunitatearen Batzarreko lehendakariak adierazi du tiro poligonoak “on egin” diola biodibertsitateari

José María Agramontek agerraldia egin du asteartean Nafarroako Parlamentuan, UPN eta Contigo-Zurekin alderdiek eskatuta. Bardeako Komunitatearen Batzarreko lehendakariak nabarmendu du Espainiako Defentsa Ministerioa ingurumenarekin egiten ari den "esfortzua". Parlamentuko hainbat ordezkarik bisitatu zuten tiro eremua martxoan, eta alderdiek iritzi kontrajarriak dituzte haren inguruan.


2025eko apirilaren 30a
Nafarroako Parlamentuko hainbat ordezkarik martxoan Bardeako tiro poligonora eginiko bisita.
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Beste behin mahai gainera atera da Bardeako tiro eremuaren inguruko eztabaida. Oraingoan, asteartean komunitate horretako lehendakari José María Agramontek Nafarroako Parlamentuan eginiko adierazpenengatik izan da, eta horietan, besteak beste, tiro poligonoak "biodibertsitatearen jasangarritasunari on egin" diola adierazi du. Horren erakusle, Agramontek adibide gisa esan du 1999an lau putre bikote zeudela eta orain 100 baino gehiago daudela eremu horretan. Bardeako Komunitatearen Batzarreko lehendakariak UPN eta Contigo-Zurekin alderdiek eskatuta egin du agerraldia Nafarroako Parlamentuan.

Agramontek azaldu du Bardeako hektarea guztien %93,85 parke naturalaren menpe daudela; gainontzekoek –%6,15– beste hainbat erabilera dituzte, eta horien artean tiro poligonoari dagokionak 2.444 hektarea hartzen ditu. Poligonoari dagozkion hektareen %12 –Bardeako hektarea guztien %0.7– erabiltzen dira tiro eremurako, eta hango komunitate lehendakariak adierazi du "ingurumenaren jasangarritasuna bermatzeko helburuak" betetzen dituela. Horregatik, Bardeako beste eremuek ingurumenarekin duten konpromisoaz hausnartzera dei egin du Agramontek: "Pentsatu beharrekoa da zergatik duen biodibertsitate hain garrantzitsua hektarea guztien %0,7 hartzen dituen eremu batek, eta gainerakoetan nola ez garen gai helburu berak betetzeko". 

Gainera, Bardeako Komunitatearen Batzarreko lehendakariak balioan jarri du Espainiako Defentsa Ministerioak azken urteetan eginiko lana ingurumenaren arloan: "Orain egiten ari denak ez du zerikusirik duela sei eta zazpi urte egiten zenarekin. Benetan garrantzitsua da". Agramontek aitortu du azken aldian basurdeen ehiza egiten ari direla tiro poligonoaren inguruko eremuan, "kezkatuta" baitaude dagoen basurde kopuru altuarengatik.

Nafarroako alderdien artean iritzi kontrajarriak

Nafarroako Parlamentuko hainbat ordezkarik martxoan bisitatu zuten Bardeako tiro poligonoa, Agramonterekin batera. Bertan, harrera egin zioten José Manuel Bellido Bardeako Aire Kuarteleko teniente koronel buruari, eta hark adierazi zuen tiro eremua ingurumenari dagokionez "jasangarria" dela. Bisitan zehar, UPNk eta PSEk tiro poligonoaren kontratua berritzearen alde egin zuten; Geroa Bai eta Zurekin Nafarroa, berriz, eremua desegitearen alde daude. EH Bilduk ez zuen bisitan parte hartu.

Zangozako Muga meategia finantzaketarik gabe geratu da, txinatar inbertitzaileek atzera egin ostean
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko... (+)
Ipar Euskal Herriko 158 herritan ur murrizketak ezarriko dituzte, alerta egoeraren ondorioz
Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien... (+)
Jaurlaritzak Bailen Energia enpresari Oionen bi parke fotovoltaiko eraikitzeko baimena eman dio
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.  (+)
Sañu Bizirik: "Statkraft enpresari alfonbra gorria jartzetik, herri presioari esker udalak parke eolikoari helegitea jartzera igaro dira"
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko... (+)
Bizkaiko Golkoa ia bi aldiz azkarrago ari da berotzen munduko batez bestekoa baino
Naturklima fundazioak kaleratutako Itsasoko eta kostako txostena-k argitara eman ditu klima aldaketa euskal kostaldean izaten ari den ondorioak: Bizkaiko Golkoko uren tenperatuta 0,22 gradu igo da... (+)
gora