Bizi-baratzea

Estitxu Eizagirre @eeizagirre

2024ko urriaren 22a

Ingenieritza Termikoan da doktorea Alvaro Campos. Euskal Herriko Unibertsitateko ikertzaile eta irakaslea izateaz gain, lurraldearen defentsarako hainbat plataformetan hartzen du parte.

Infografiez eta irudi bidez lagunduta emango duen hitzaldian, era oso ulergarrian azaltzen du nola dagoen sare elektrikoa antolatuta: energia sortzen denetik herritarrek etxean argia pizten duten arte zein den argindarrak egiten duen bidea, urrats bakoitzean zein diren eragileak eta jabeak...

Energia berriztagarriak zer diren ulertzeko eta hainbat logikaz hausnartzeko bidea emango du hitzaldiak: tokian tokiko energia berriztagarriek zer logikari jarraitzen diote? Eta berriztagarrien makroproiektuek? Energia eredu bera dira? Bateragarriak dira?

Camposek gazteleraz emango du hitzaldia, azalpen teknikoak euskaraz adierazteko besteko segurtasunik sentitzen ez duelako. Euskaraz primeran ulertzen du eta entzuleek aukera izango dute nahi duten hizkuntzan zuzenean galderak egiteko.

Herribizigune eta Ezkeltzu Bizirik taldeek elkarlanean: herritarrei egindako galdeketen emaitzak plazaratuko dituzte

Hitzaldia urriaren 24an, osteguna, 19:00etan Zizurkil behean izango da, Atxulondo kulturgunean.

Herribizigune eta Ezkeltzu Bizirik taldeek antolatu dute, elkarlanean. Herribizigune kooperatiba Zizurkil herri bizia izan dadin ari da lanean, esaterako, bertako eta gertuko laborarien elikagaiak herritarren eskura jartzen ditu. Ezkeltzu Bizirik taldea Green Capital enpresak Ezkeltzu gainean egin nahi duen 200 metroko lau haize-errotako makroproiektuaren aurka ari da lanean.

Energiaren gaian, Zizurkilen energia komunitatea aktibatu nahi dute bi taldeek elkarrekin eta horretarako lehen urrats modura herritarren artean galdetegi bat zabaldu dute. Elkarrekin egingo duten bigarren ekitaldia hitzaldi hau izango da, herritarrak energiaren gaiaz informatzeko eta eztabaida plazaratzeko. Hitzaldi honetan emango dute herritarren artean zabaldutako galdetegiaren emaitzei buruzko informazioa.

Azken albisteak>>

TXOSTENA ESKLUSIBAN | "Laminoriako parke eolikoak ekarriko lukeen ingurumen eragina ez da onargarria"

2024-10-22 | Estitxu Eizagirre

Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote... (+)

Iturrietako Mendiak eta Gasteizko Mendiak babesteko erresistentzia eguna egin dute

2024-10-21 | Estitxu Eizagirre

Mendi horietan egin nahi dituzten zentral eoliko eta fotovoltaikoen aurkako aldarriak zabaldu dituzte urriaren 20an herritarrek egin duten mendi martxaren bidez. Arabako Mendiak Aske elkarteak... (+)

Aixeindar enpresak Iturrietako mendilerroan jarria duen dorreak ez ditu hegaztien babeserako neurriak bermatzen, Arabako Mendiak Askek salatu duenez

2024-10-15 | Estitxu Eizagirre

Aixeindar enpresak haizea neurtzeko 82,5 metroko dorre meteorologikoa instalatua du 2023tik Analamendin. Dorrearen egonkortasuna eta segurtasuna bermatzeko, lurrera altzairuzko hainbat kablerekin ainguratu zuen enpresak. Arabako... (+)

Landareei eta piztiei buruzko hitzaldia, ilustrazioak eta bertsoak Tolosan irailaren 26an

2024-09-23 | Estitxu Eizagirre

Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen... (+)

Haziak eta etorkizuneko auziak

2024-09-22 | Estitxu Eizagirre

Haziak nola egin azaltzen duen jakintza praktikoa eta hazietan datzan ikuspegi politikoa. Biak uztartu dituzte Haziak liburuan Miguel Arribas Kelo-k eta Marc Badal-ek. Hamaika auzi... (+)

Alvaro Camposek energiari buruzko hitzaldia emango du urriaren 24ean Zizurkilen

Herribizigune eta Ezkeltzu Bizirik taldeek elkarlanean: herritarrei egindako galdeketen emaitzak plazaratuko dituzte

Azken albisteak>>