Bizi-baratzea

Hiztegia

Zure hitza bidali

Lorexakia

Estigma. Lorearen aieka emearen mutturra.
Lorezila

Lorearen barruan dagoen ugal organu arra. Polena edo lorautsa sortzen den tokia.
Luar

Hondakin organikoaren eta simaurraren nahasketa ondua. Inaurkina, otea, orbela, etxekoa eta bestelakoa izan daiteke hondakina. Luartokian egiten da. Larrainean edo animaliak dabiltzan tokian ere sortzen da.

Sinonimoak: Atalohi, Sastagi, Lurgorotz, Konpost, Kortalohi
Luarra

Kortalohia, atalohia, lurgorotza, sastagia. Hondakin organikoaren eta simaurraren nahasketa ondua. Inaurkina, otea, orbela, etxekoa eta bestelakoa izan daiteke hondakina. Luartokian egiten da. Larrainean edo animaliak dabiltzan tokian ere sortzen da.
Luberria

Labakia. Aspaldian ez baratze, ez soro izan ez den lurra gorritu eta lantzeko prestatua.
Luberritu

Lur sail batean landare oro kendu eta lurra irauli eta gorritu.

Sinonimoak: Okuntzatu, Labakitu, Gorritu, Lugorritu
Luberritu

Loreontzian lur berria jartzea. Landarearen arabera nahasketa desberdina izango da, baina orokorrena oinarria lur beltza, luarra edo simaur ondua eta hondarra izango da.
Luberritu

Gorritu, labakitu, okuntzatu. Lur sail batean landare oro kendu eta lurra irauli eta gorritu.
luharga

Luhartza
Luhartza

Txir-txir satorra, lur-txakurra, falpa, luharga. Luperan bizi den kilker handi baten antzeko gorri aireko intsektua. Hagin handiak ditu, zizare eta antzeko intsektuak janez bizi da. Lurpean galeriak eta zuloak egiten ditu. Landareen sustraiak moztuz edota ipurditik atereaz.
Luhartza

Lurpean bizi den kilker handi baten antzeko gorri aireko intsektua. Hagin handiak ditu, zizare eta antzeko intsektuak janez bizi da. Lurpean galeriak eta zuloak egiten ditu, landareen sustraiak moztuz edota ipurditik atereaz.
Latinezko izena Gryllotalpa gryllotalpa da.

Sinonimoak: Laur zangotako, Hogeita lauoreneko, Pio-pio, Hogeita lau orduko, Har-txakur, Erlui, Lugartz, Arruge, Arrule-arrubio, Arrubio, Arrubi, Arroi, Arrogi, Arrodi, Luharga, Falpa, Txir-txir satorra, Lurtxakurra, Karramarruaga, Otxabarri, Otxarrabi, Segarora, Arlui, Zalmiroi, Sikilikitu, Xabiroi, Xaubiroi
Lur gorri

Zuhaitz, zuhaixka eta belarrak kendu, irauli eta baratzea edo soroa lantzeko prestatua.

Sinonimoak: Lur gorria
Lur gorria

Zuhaitz, zuhaixka eta belarrak kendu, irauili eta baratzea edo soroa lantzeko prestatua.
Lur ustel

Baratzean zopizartzetik eta barazkien hondakinetatik sortutakoa. Pilatu, usteldu eta ondua. Atzera berriz baratzean bertan ongarri gisa erabiliko dena.

Sinonimoak: Zakar montona
Lur ustela

Baratzean zopizartzetik eta barazkien hondakinetatik sortutakoa. Pilatu, usteldu eta ondoa. Atzera berriz baratzean bertan ongarri gisa erabiliko dena. Saldia aldean "zakar montona" esaten diote.
Lur-txakurra

Luhartza Ziortza-Bolibarren.
Lurgorotza

Luarra Amezketa aldean.
Lurreztatu

Landarearen ingurua jorratu eta harrotutako lurra landarearen oinaren edo ipurdiaren inguruan pilatu.
Lurreztatu

Landarearen ingurua jorratu eta harrotutako lurra landarearen oinaren edo ipurdiaren inguruan pilatu.