Zure hiri-baratzea sortzea, lorategietan barazkiak jartzea bezain erraza da.
Albahaka
Ocimum basilicum
Zer jaten diogu?
Hostoa jaten diogu.
Oinarriak
Baratze guztietan egon beharko luke albahakak. Landare usaintsua denez, intsektuak uxatzen ditu, eta beste landareak babestu. Horrez gain, jateko oso goxoa da. Berdetan jan daitek (entsaladetan, adibidez), edo oliotan jarrita eta gero olio hori beste jakiak gozatzeko erabilita.
Urteko landarea da. Eguzkia gustatzen zaio, eta behar du. Alferrik jarriko duzu itzaletan. Lur harroa gustatzen zaio.
Ereintza
Hazitegi babetuan edo berotegian, martxoan erein daiteke; bestela apirilean. Purra-purra botatzen da hazia. Landare elkarren kontra haziko da, eta 10-15 zentimetro dituenean atera eta landatuko dugu.
Landaketa
Lorontzian edo baratzean bertan landatu, 15 zentimetroko tartearekin.
Uzta
Hilabeterako moztu eta jateko moduan da. Nahi izanez gero, hostoka bildu, eta, betela, oso-osorik moztuta.
Udan osorik moztu, eta oliotan jaso.
Utzi bertan landaren bat, loratu eta haziak jasotzeko. Hori iraila aldera izango da.
Lagunak eta arerioak
Zorriak eta beste intsektuak uxatzen ditu; beraz, beste landareek asko maite dute. Jarri aza, babarrun, leka, tomate eta piperren artean edo aldamenean.
Trikimailua
Hostoak lehortuta ere jaso daitezke, gero saltsak eta edozein plater gozatzeko. Nahi izanez gero, jaso daiteke berdetan izoztuta ere.
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.