Bizi-baratzea

Mikel Garcia Idiakez @mikelgi

1980an Irunen jaioa. 2004. urtetik da erredaktore Argian. Gizarte gaiei eta zinemari buruz idatzi ohi du.

2024ko ekainaren 05a

Assisi paseatu eta zaintzeaz, jaten emateaz, orrazteaz, albaitarira laguntzeaz… ikasleak eurak ere arduratzen dira.

Golden Retriever arrazako txakurra goizeko 8etarako eskola atarian egoten da, DBHko ikasleak agurtzeko, eta goizeko 9etan egiten die harrera Haur eta Lehen Hezkuntzako umeei. Zortzi urte daramatza Sabadellgo frantziskanoen eskolan, 500 bat ikasle eta 40 irakasle ingururekin. Bat gehiago da ikastetxean eta zoratuta ditu ikasleak: ohitura dago gainerakoen besarkadak jasotzera, txakurra ikasgelan ezustez sartzen denetan, haurrak idazkaritza-gelara bisita egitera gerturatzen zaizkionean edota atseden orduan harekin jolasten dutenean. Udako oporretan, ikasleen eskutitz pila bat jasotzen dituela dio ikastetxeko zuzendariak.

Hainbat zeregin ditu Assisik: 3 urteko gelako umeen egokitzapen garaian esaterako, gakoa da txakurra; eta Ingeleseko ikasgaian, txakurra paseoan ateratzen dute ikasleek, ingelesez hitz egiten duten bitartean. Assisi paseatu eta zaintzeaz, jaten emateaz, orrazteaz, albaitarira laguntzeaz… ikasleak eurak ere arduratzen dira. Aurten, lehenengo aldiz, ikasturte amaierako bidaiara joango da DBH4ko gazteekin batera, Mallorcara.

Ikasleak motibatzea batetik, eta animaliak errespetatzen, zaintzen eta maitatzen ikastea bestetik, horiek ditu helburu nagusi proiektuak

Eskolako apaizetxean egiten du lo eta ikastetxeko aurrekontuan daude sartuta txakurraren gastuak, proiektu pedagogikoaren barruan dagoela ulertzen baitu hezkuntza komunitateak.

Ikasleak motibatzea batetik, eta animaliak errespetatzen, zaintzen eta maitatzen ikastea bestetik, horiek ditu helburu nagusi proiektuak.

Lehenengo argazkian, Assisi jaioberri, ikastetxeko bat gehiago bihurtu zuten segituan. Gainerakoetan, gaur egungo irudiak:

Azken albisteak>>

Mugikortasun arazoak dituzten haurrekin baso-eskolara: beldurrak eta mugak gainditzen

2024-09-08 | Mikel Garcia Idiakez

Mugitzeko eta ibiltzeko zailtasunak dituzten 5 urteko bi ikasleri asteroko baso-eskola saioa egokitu zaie Irungo ikastetxean: muga eta beldur artean hasitako erronkak onura, garapen eta... (+)

Zergatik ez gara arreta mantentzeko gai?

2024-08-28 | Mikel Garcia Idiakez

Langileen %80ak ez du ordubete irauten arreta galdu gabe eta %20 inguru hamar minuturo distraitzen da. Kontzentratzeko gaitasun falta ez da soilik mugikorren eta estimulu... (+)

Eltxo tigrea EAEko 56 udalerritan atzeman dute

2024-08-27 | Mikel Garcia Idiakez

Espezie inbaditzaile hau duela hamarkada bat iritsi zen Euskal Herrira, eta asko ugaritu da hiri inguruetan, batez ere Bizkaia eta Gipuzkoako hiriguneetan, ura aurkitu dezaketen... (+)

"Akainak gaitza kutsatzeko denbora behar du, egunean bertan kenduta ez dago arriskurik"

2024-07-21 | Mikel Garcia Idiakez

Akainak edo kaparrak batetik, eltxo tigreak bestetik, Euskal Herrian duten presentziaz eta gurean dauden espezieez mintzatu zaigu Aitor Cevidanes ikertzailea. Osasuna eta ingurumena hizpide, dituzten... (+)

Jolastoki berdeagoak Ipar Euskal Herriko ikastetxeetan, klima aldaketari aurre egiteko

2024-07-02 | Mikel Garcia Idiakez

Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute... (+)

Assisi, ikasleekin batera eguna eskolan ematen duen txakurra

Azken albisteak>>