Maiatz luze, artoaren leze.

Bertako artoarekin egindako taloen janari postu mugikorra Basaburuan

Zalgurdi forma du Kata Gartziak Jauntsaratsen (Nafarroa) ireki berri duen Jan Talo janari postu mugikorrak, eta izenak argi adierazten duen moduan, taloak dira protagonista. Hori bai, betiko talo eskaintzatik zertxobait desberdintzen saiatu da basaburuarra. “Taloen food truck-aren ideia aspalditik nuen buruan, bertako produktuak eta ekoizleak bultzatzeko modu egokia izan zitekeela iruditzen baitzitzaidan, eta haragirik jaten ez nuen garai luze batean ohartu nintzen alor horretan ere hutsune handia zegoela”, dio. Izan ere, aukera begetariano eta beganoa eskaintzen ditu Gartziak, baita glutenik gabekoa ere.

Garazi Zabaleta
Garazi Zabaleta

2016tik ARGIAn astero esperientzia baten berri ematen du.


2026ko apirilaren 13a
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Jan Talo postu mugikorrean darabiltzaten osagai guztiak ekologikoak dira, eta jakina, taloak egiteko irina ere bai. “Garrantzitsuena bertako artoa lortzea zen niretzat, eta ekologikoa topatuz gero, hobe. Eta aurkitu genuen! Pagolako ekoizleari erosi diogu aurten, gainera, arto gorria egiten zuen ekoizle berak, eta ahal genuen guztia hartu genion”, azaldu du. Izan ere, Ipar Euskal Herrian bertako arto barietate hori berreskuratzeko lan handia egin dute, eta horri ere balioa eman nahi izan dio proiektuaren bultzatzaileak. Artoa Zubietako (Nafarroa) errotan xehetzen du.

Arto gorriaz gain, arto arrunta ere erabiltzen du dena den, eta postua irekitzen duen egun bakoitzean bezeroei taloak zein artorekin egin dituzten adierazten die: “Esaten diet, tira, gaur arto gorriarekin egindako taloak ditugu, edo gaur arto horia tokatzen da…”. Inguruan bertako arto barietateak desagertzen ari direla gogorarazi du, eta horiek babesteko eta berreskuratzeko han-hemen abian diren egitasmoak hurbiletik segitzen ditu, Baztanen, Malerrekan eta Basaburua Txikian berriki egin duten lanketa, esaterako. Tokiko barietateei aterabidea emateko bide berrien artean koka daiteke Jan Talo egitasmoa ere.

Herriz herri mugitzeko aukera

Mometuz, Jauntsaratsen (Basaburua) ostiral eta larunbat arratsaldetan jartzen du postua Gartziak, baina gurdia mugikorra izanik, herriz herri mugitzeko aukera ere badu. “Gurea bezalako bailaretan, landa eremuan, herri asko dauden tokietan, uste dut zerbitzu osatuagoa eskaini dezakedala postu ibiltaria edukita eta mugitzeko aukera izanda”. Modu horretan, festa egun bereziak, azokak eta antzeko ekimenak daudenean, horietara hurbiltzeko aukera ere izanen du. “Gurdia egokitzeko Nafarroako Gobernuaren dirulaguntza jaso dut, eta tira, proiektuaren bultzatzaile nagusia ni izanda ere, ingurko jendea asko ari zait laguntzen”, dio.

Taloen barruko osagaiei dagokionez, gauza bereziak eskaintzen saiatzen da, garaian garaiko osagaiak erabilita: txistorra eta oilaskoa, tipula potxatua, gazta, hummusa, guakamolea, txokolatea fruitu lehorrekin… “Taloak aldatzen joanen naiz garaiaren arabera, orain udaberri eta udako produktuekin osatuko dut menua”, adierazi du.

Bertako zuhaitz eta zuhaixken mintegi berria Soraluzen
2026-11-16 | Garazi Zabaleta
Landare eta zuhaixkak ekoizteko afizioa aspalditik izan du Jon Oñederra Rascon soraluzearrak (Gipuzkoa), baina iaz sortu zuen Oitturri mintegia eta modu profesionalean ekoizten hasi zen,... (+)
Bertako produktuen dendatxoa, herritarrei zerbitzu emateko
2026-11-09 | Garazi Zabaleta
Tolosaldeko herri txikia da Baliarrain (Gipuzkoa), 140 biztanle inguru dituena. Duela bost bat urte, ekonomatoa martxan jartzeko pausoak eman zituzten herrian, udalak bultzatuta. "Herritarrei bertako... (+)
Bidarte eta Miarritzeko sukalde zentralak hornitzeko baratze publikoa
2026-11-02 | Garazi Zabaleta
Eskolarako eta adinekoen etxerako otorduak prestatzen dituen Bidarteko sukalde zentralak 150.000 plater prestatzen ditu urtero, eta Miarritzekoak, berriz, 200.000. "Orotara 350.000 otordu dira, eta frantses... (+)
Tokiko eta kalitatezko produktuen epizeria parte-hartzailea Baigorrin
2026-10-26 | Garazi Zabaleta
Duela urte eta erdi pasatxo hasi zen Baigorriko (Nafarroa Beherea) pertsona talde bat bertako produktuen denda fisiko bat martxan jartzeko ideia lantzen. Herriko AMAPean –laborari... (+)
Zuberoako artzainak 20 urtez kolektiboan lanean
2026-10-19 | Garazi Zabaleta
1999an Zuberoako artzain talde batek abiatutako hausnarketa prozesutik sortu zen Azkorria kooperatiba. "Garaian, industria bati saltzen zioten ardi esnea inguru honetako artzain guztiek, eta Ossau-Irati... (+)
gora