Bizi-baratzea

Arabako Mendiak Askeko kide bat isuna ordaintzera behartu dute Mozal Legea aplikatuta

2024ko urriaren 29an epaiketa izan zuen Arabako Mendiak Aske taldeko kide batek, 2022ko otsailean jaso zuen isunaren harira. Isuna ordaintzera zigortu du epaileak Mozal Legea aplikatuta. Iturrietako mendietan oinez zihoazen, lehen mendi martxa antolatzeko prestaketa lanetan, Ertzaintzak identifikatu zituenean. Arabako Mendiak Askek salatu duenez, Mozal Legea "askatasun eta eskubide politikoen aurkako legea da, militantzia jazartzeko tresna. Mugimendu politiko eta sozialak ekonomikoki itotzeko helburua du". Lurraren defentsan antolatzen ari direnak gero eta gehiago direla adierazi duteta eta "irmotasunez" aurrera jarraituko dutela.

Estitxu Eizagirre @eeizagirre

2025eko urtarrilaren 22a

Mozal Legeaz jaso duen isuna salatzeko Arabako Mendiak Askek elkarretaratzea egin zuen auzitegi aurrean.

Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Arabako Mendiak Asko "kolpe errepresibo" modura jaso du bere kide bati ezarri dioten zigorra, "ez ausazko isun bat bezala". Baina aurrera jarraituko dutela iragarri du: "Geroz eta makroproiektu gehiago martxan jarri nahi dituzten honetan, berebiziko garrantzia dauka antolatuta egoteak, datorrenari aurre egiteko. Ez dugu onartuko ekosistemen suntsipena, herritarron bizi baldintzen okertzea, edo arriskuan dauden espezieen desagerpena. Ez dugu onartuko guk ezer ez irabazteko daukagun sistema hau".

"Beste sistema bat eraikitzea posible dela aldarrikatzeko" momentua dela diote, "non beharrizanak, energiaren erabilerarako sarbidea kasu, guztion beharretara begira antolatuko den, eta ez soilik gutxi batzuen interesetara, aberasten jarrai dezaten".

Lurraren defentsan errepresioa jasaten duten beste mugimenduei erreferentzia eginez, Aroztegiako kasukoei "elkartasun osoa" adierazi dio Arabako Mendiak Askek eta lurraren defentsan antolatzera dei egin du.

Arabako Mendiak Askeko kideari isuna jarri zioteneko testuingurua ezagutzeko, atera genuen albiste honetara jo daiteke.

Azken albisteak>>

Amasa-Villabonako Udala Premier enpresarekin negoziatzen ari da Amasamendiko herri lurretan bi haize errota jartzeko baldintzak

2025-05-06 | Estitxu Eizagirre

Ander Goikoetxea Amasa-Villabonako zinegotzia da eta EH Bilduko Legebiltzarkidea. Premier ESPF Ipaz Haizea enpresak Amasamendin ezarri nahi dituen bi haize erroten orain arteko prozesua nola... (+)

Zer dezake udal batek makroberriztagarrien aurrean?

2025-04-30 | Estitxu Eizagirre

Bizitza ez-berriztagarriak filma ikusentzun zuten atzo 70 inguru lagunek Villabonan. Francisco Vaquero egilea bertan izan zen eta emanaldiaren ostean hitza hartu zuten herritarrek, kargu publiko... (+)

Bizi Baratzea Orria: ARGIAk abiatu duen aldizkari berria, Bizi Baratzea proiektuaren 10. urteurrenean

2025-03-23 | Estitxu Eizagirre

Urtaro bakoitzean kaleratuko den aldizkari honek Lurrari buruzko jakintza praktikoa eta gaurkotasuneko gaiak jorratuko ditu. Formato oso berezia du: plegatutako orri handi bat da eta... (+)

EH Bizirikek manifestazioa deitu du larunbaterako 'Euskal Herria ez dago salgai!' lelopean

2025-03-20 | Estitxu Eizagirre

Sareak nabarmendu du Euskal Herri osoko eragileak daudela bertan eta deialdiak 140tik gora atxikimendu jaso dituela: "Horrek islatzen du zein den gaur egungo errealitatearen urgentzia,... (+)

"Paradisu zineman ikusiko gara...", haizeari puzka ari beharrean

2025-03-17 | Estitxu Eizagirre

Martxoak 15 goizean elurrak zuritu zuen Arano. Bertako herritarrek eta ingurutik eta ez hain ingurutik bildutakoek bete zuten plaza eta elkartasunaren beroan gozatu zuten eguna:... (+)