Hainbat talde ekologista eta naturzaleren ordezkariok prentsaurreko bat eskaini dugu gaur eguerdian Donostian, Gipuzkoako Foru Aldundiak Lurgaia Fundazioaren basoberritze-proiektu garrantzitsu bat zapuztu duela salatzeko. Hona hemen egin dugun adierazpena:

LURGAIA Fundazioak dokumentu bat plazaratu du (Izan ezin zen basoa – Fundación Lurgaia Fundazioa) non, besteak beste, Gipuzkoako Foru Aldundiaren eta BSTK Fundazioaren jokabide makurra erakusten duen, Lurgaia eta Kutxabanken arteko elkarlanaren aurrean, azken entitate honek jabegoan duen Markesbaso lursailean garatu nahi zuten Natura kontserbazio proiektua zapuztuz. Honela dio LURGAIA Fundazioaren dokumentuak, besteak beste:

– “Markesbaso izeneko 290 hektareako finka bati buruz ari gara, Zestoa eta Azpeitia artean dagoena. 2024ko azken hilabeteetan zehar prestatu zen proiektua. Helburua ingurune hori baso bihurtzea zen, hau da, bioaniztasunez beteriko ekosistema sortzea, inolako helburu produktiborik gabe”.

– “Proiektua 2024ko abenduan okertzen hasi zen, Gipuzkoako Foru Aldundiko Lurralde Oreka Berdeko Departamentuari proiektuaren helburuak, epeak eta dimentsioa jakinarazi zitzaizkionean. Bilera hartan, bide batez, aipatutako administrazioak hasieratik eragotzi zuen Lurgaia Fundazioaren presentzia”.

– “Zaila da ulertzen GFAk interes pribatuaren alde lan egiteko eta Gipuzkoako Lurralde Historikoaren azaleraren % 100ean egurra ekoizteko duten asmoa, biodibertsitatea leheneratzeko aukera guztiak baztertuz eta ingurumena lehengoratzeko Europako politiken erakunde objektore gisa aurkeztu”.

Gertakari horiek kontuan hartuta honako salaketak eta eskariak egiten ditugu:

– Salatzen dugu Gipuzkoako Foru Aldundiak bere erabakian erakutsi duen autoritarismoa, demokrazia eza eta errespetu falta bi erakundeen artean martxan zeuden negoziazioak lehertaraziz, horietako bat, LURGAIA Fundazioa, proiektuaren bultzatzailea, gerora egindako bilera guztietatik kanpo utziz. Azken uneko aldaketa hau gauzatu da inongo azalpen zientifiko edo legalik eman gabe, hasierako proiektua ukatuz.

– Eskatzen diogu Gipuzkoako Foru Aldundiari eta BSTK Fundazioari, jatorrizko proiektua errekuperatzea, bere hasierako helburuak eta planteamentua errespetatuz. 

Dokumentu honek salatzen eta eskatzen duenarekin eta dokumentu hau Gipuzkoako Foru Aldundiari, BSTK Fundazioari eta Eusko Jaurlaritzari helaraztearekin ados dauden talde eta norbanakoak honako hauek dira:

1. Debanatura
2. Eibarko Baso Biziak
3. Elgoibarko Baso Biziak
4. NATURKON (16 talde)
5. EGUZKI
6. Ekologistak Martxan
7. Zain dezagun Urdaibai
8. BaSOS elkartea
9. UHANDRE Baso Biziak
10. Hiri Berdeak
11. Soraluzeko Baso Biziak
12. Berriatuko Hostozabal
13. SAGARRAK talde ekologista
14. Makatzak arratiako ekologistak
15. Baserritar BILGUNEA
16. GREENPEACE
17. Elorrio-Atxondo Baso Biziak Natur Elkartea
18. Altza XXI
19. Sagarreta natur taldea (Hernani)
20. Kukubaso
21. Fridaysforfuture

36 talde denetara

Euskal Herria, 2025-11-14